【新闻】北京宣傳新碟 陳奕迅自爆初出道歌酬6000蚊唱5首

E

即时新闻―難忘麥花臣唱歌　Eason：6千蚊唱5首歌
全新國語專輯《C’mon in ~》亞洲發布會現場視頻

歌手陳奕迅（Eason）以全黑LOOK出席北京舉行的「陳奕迅2017全新國語專輯《C’mon in ~》亞洲發布會」，吸引新加坡、馬來西亞、台灣、香港及內地近百傳媒到場採訪，並獲多位好友周杰倫、孫燕姿、庾澄慶、竇靖童、蔡健雅及情侶李榮浩與楊丞琳拍片預祝Eason新碟大賣，竇靖童更大爆早前到香港錄音，獲Eason盡地主之誼帶她品嘗香港地道美食車仔麵，而在內地歌唱節目《中國新歌聲》第二季合作的周杰倫大讚Eason是個值得深交朋友。

唔怕開戶外騷

Eason相隔3年再推出國語專輯，他透露新碟足足籌備了10個月，問到為何揀在北京舉行發布會？Eason笑說：「咁國語碟喺首都舉行好正常，之前香港已經舉行咗發布會。」Eason將於本月11及12日在旺角麥花臣舉行音樂會，他坦言麥花臣對他意義很大，他說：「當年出道喺麥花臣戶外場表演，當時6千蚊唱5首歌，真係好多，千幾蚊一首歌。（依家6,000萬一首歌？）嘩！多謝你咁誇奬我喎，一陣稅局搵我，你陷害我，哈哈。」問到現時敢不敢在麥花臣戶外場搞騷？Eason說：「點解唔敢？」隨即笑說：「企喺對面街食住雪條、篤住魚旦聽歌，冇所謂，最緊要帶到娛樂同開心畀自己屋企地方。」問到為何會記住6,000蚊歌酬？Eason說：「當時覺得好多錢。」

當記者笑指他現時的歌酬應是60萬五首歌？Eason開玩笑說：「5首歌？我覺得就未必得喇。」隨即奸笑。對於在《中國新歌聲》第二季擔任導師，他的戰隊成員在日前假北京鳥巢舉行的總決賽中被淘汰，Eason說：「所以話入為多唔代表一定得。（可惜？）冠軍得一個，冇話可惜，如果入到最後兩強，隊員會唱多一首自選歌曲，依家唱唔到比較可惜。」

第一次拍音樂特輯

另外，早前為配合新專輯宣傳與Viutv合拍攝演音樂特輯《短暫的婚姻》，首次拍音樂特輯的他說：「入行咁耐都未拍過音樂特輯，通常音樂特別係拍個幾小時，但係今次有5集，亦係我第一次拍劇。」

E

即时新闻―［今時唔同往日］北京宣傳新碟 陳奕迅自爆初出道歌酬每首收……

來自中港台星馬等地近百間傳媒到場採訪，場面墟冚。(蘋果日報)

唱片公司希望Eason可以以歌聲撫慰人心(蘋果日報)

(蘋果日報)

Eason話等呢隻碟面世已經好耐(蘋果日報)

Eason後日同大後日將會喺麥花臣開騷唱新碟啲歌(蘋果日報)
陳奕迅（Eason）今日喺北京洲際酒店舉行全新國語專輯《C'mon in》亞洲發佈會，吸引中港台星馬近百傳媒到場採訪。唱片公司代表喺活動上向Eason頒發「音樂之匙」，俾佢喺現場開啟音樂世界大門，另又送上一畫框，上面寫住「包治百病」，喻意Eason以音樂為藥，歌到病除。

Eason除咗今日喺北京舉行發佈會外，嚟緊星期三及四（11及12號）將會喺香港麥花臣體育館舉行兩場音樂會，佢話：「我唔理宣傳㗎，因為我都唔識，我淨係識唱歌，好開心囉！因為我等呢隻碟等咗成10個月喇，好似十月懷胎咁，因為對上一隻廣東碟已經係15年。」佢仲話之前都有去到大陸一啲大學搞咗啲座談會。

Eason話後日個麥花臣騷，除咗會唱10首新歌之外，仲會唱啲廣東歌，仲話自己都吊咗好耐癮。講到場音樂會門票被被人哋炒黃牛，Eason話：「少座位冇辦法㗎喇，不過麥花臣真係好正，對我嚟講好有意義，因為我記得自己喺第一間公司啱啱出道無耐，就喺麥花臣戶外球場嗰度搞咗一個音樂會，自己當時唱咗5首歌，我呢世都記住㗎喇！因為個歌酬就6,000蚊，對我嚟講都好多。」

問Eason o依家歌酬係咪要6,000萬？佢笑言：「嘩！咁誇張？多謝你讚賞，你唔好咁講呀！一陣間稅局搵我㗎喇，陷害我呀？」問佢點解會記住呢6,000蚊歌酬？Eason話：「因為對我嚟講真係好多㗎喇，咁我唱5首歌，即係1,200蚊唱一首啦，咁係咪好勁先？」再問佢o依家唱5首歌，有冇60萬？Eason笑住鬼馬地講：「我覺得未必得囉……」

記者問Eason夠唔夠膽喺麥花臣戶外球場開騷？Eason話：「點解唔夠膽呀？啲人喺對面街食住雪條、篤住魚蛋嚟聽都冇所謂，因為我希望帶到啲娛樂俾我屋企呢個地方，都係幾好。」

Eason又提到今次因為出新碟，同ViuTV合作拍音樂劇《短暫的婚姻》，會用啲國語新歌連貫住，Eason話：「因為自己一出道到o依家，係冇自己嘅音樂特輯，不過今次都唔算，因為音樂特輯都係個零鐘，今次係有5集，OK吖！都幾好玩，仲可以同好朋友Eric Kwok合作。」

E

即时新闻―［周董認深交］帶童童去食車仔麵 Eason出碟 群星錄片撐

Eason今日喺北京舉行新碟發布會(蘋果日報)

好多歌手朋友都有拍片祝賀(蘋果日報)

(蘋果日報)
陳奕迅（Eason）今日喺北京宣傳佢隻新國語專輯《C'mon in》，佢之前喺《中國新歌聲2》中擔任導師，所以今日有好多佢啲朋友都錄片俾佢祝賀佢新碟大賣，包括有周杰倫（周董）、庾澄慶、孫燕姿、李榮浩、蔡健雅、楊丞琳、竇靖童等，其中童童話之前喺香港錄音，Eason帶佢去食車仔麵，周董則話同Eason《中國新歌聲2》合作無間、好緊密，覺得Eason係一個深交嘅朋友。

提到Eason之前喺《中國新歌聲2》嗰兩位學員於最近嗰集雙雙被foul出局，Eason話：「證明咗多提名都未必會得㗎囉，試過好多次都係咁。」問佢覺唔覺可惜，始終放咗咁多心機落去，Eason話：「冠軍得一個，但你話可唔可惜呢，咁如果佢入到尾二兩強就可以選自選歌囉，呢樣就有啲可惜。」

E

即时新闻―Eason與學員合唱《不該》 直言太難唱要苦練先得

陳奕迅與隊員肖凱曄合嗜《不該》。
內地選秀節目《中國新歌聲》總決賽昨在北京鳥巢展開，五強選手唱功各具特色。其中在過去對戰一直發揮穩定，被視為冠軍大熱的肖凱曄，今集上場就與導師陳奕迅選唱了周杰倫和張惠妹的《不該》。

這首歌可說相當有挑戰性，歌曲前半段音域低，但到副歌就開始互飆高音，亦是陳奕迅和肖凱曄擅長的音域。兩人在台上雖然發揮水準，但Eason唱完後認為，自己表現拖累了肖凱曄，「如果她被扣分，應該就是我！」

陳奕迅唱完後亦被問到，在總決賽演唱另一隊的導師周杰倫歌曲有什麼感覺，他直言非常喜歡這首歌，但揀歌後證明「喜歡不代表能唱，寫得非常好，我太喜歡這首歌，就只能苦練！」

不過，肖凱曄在個人演唱環節中選唱了莫文蔚的《他不愛我》，似乎則未發揮到她過往水準，結果成為最後五強中最先被淘汰的一位。

總決賽最後五強包括那英隊的郭沁、陳奕迅隊的肖凱曄和葉曉粵、劉歡隊的扎西平措，和周杰倫戰隊的董姿彥。

E

即时新闻―［《短暫的婚姻》］陳奕迅首拍劇反應勁好 音樂成功帶動悲涼氣氛

由陳奕迅、郭偉亮（Eric Kwok）、蔡思韵及蔡潔主演嘅ViuTv音樂新劇《短暫的婚姻》今晚首播，短短五集嘅音樂劇會配合Eason嘅國語專輯《C’mon in~》製作，每集三十分鐘。

延續ViuTv製作劇集嘅一貫風格，今晚首播嘅《短暫的婚姻》全部都係實景拍攝，劇中Eason飾演一名啱啱失去太太嘅單親爸爸，父子加埋女傭居住喺一棟舊式低層住宅，而Eric Kwok就帶埋蔡思韵飾演嘅老婆Melena同囝囝搬到呢棟住宅，兩家人因為咁而相遇，以今集首播嚟睇，劇情進展唔算快，而且因為係音樂劇嘅關係，對白唔算多，反而運用咗唔少鏡頭去渲染環境氣氛，令到觀眾更加融入故事當中，兩家人本來就係萍水相逢，所以雖然大家都知道蔡思韵飾演嘅Melena最終會同Eason發展婚外情，但係喺劇情上冇刻意刻劃呢條感情線。

首播只得短短三十分鐘，但係內容算得上非常豐富，劇集花咗前半段嘅時間帶動氣氛，去到最後Eason喺天台第一次講出對失去太太嘅感覺：「你覺得唔提我就唔會諗起喇咩？冇用㗎，我見到每樣嘢都會諗起佢，所以冇得避，亦都唔使避。」簡簡單單一場訴說戲，值得一提嘅係Eason喺呢場戲中嘅演技非常到位，演繹出一種悲涼、緬懷同時又要強顏歡笑嘅感覺，最後再配上一首《誰來剪月光》，以Eason嘅角度帶出呢段只有短短五集嘅《短暫的婚姻》，仲有唔少網民讚Eason做戲好。

郭偉亮（Eric Kwok）同蔡思韵帶埋阿仔啱啱搬到呢棟住宅。（電視畫面）

陳奕迅、余香凝同埋囝囝一家人本來好幸福。（電視畫面）

直到突然之間，余香凝離開咗呢個世界。（電視畫面）


剩低陳奕迅同個仔一齊生活。（電視畫面）

身為有錢律師嘅Eric Kwok係一個花心大少。（電視畫面）

但係同時地又好愛老婆。（電視畫面）

Eason喺今集嘅演技非常到位，演繹出一種悲涼緬懷又要強顏歡笑嘅感覺。（電視畫面）


仲有唔少網民讚Eason做戲好睇。

热心市民

一路过来真不容易