【新闻】陳奕迅Fit爆續約環球兼做老闆首簽郭偉亮孭重飛

E · 发表于 2018-8-3 22:29:18

即時新聞――陳奕迅Fit爆續約環球兼做老闆首簽郭偉亮孭重飛
［轉帖自頭條日報］

陳奕迅（Eason）與環球唱片公司舉行續約儀式，同場加映其開設的EAS Music正式宣佈與郭偉亮（Eric Kwok）簽約，成為公司旗下首位藝人。Eason經努力修身下，終於Fit爆現身，在台上大讚Eric是其心目中現今樂壇中頭5強歌手之一，並自爆簽Eric之前有點猶豫，他原定想簽一位歌聲強勁卻沒人認識像白紙的新人，可惜一直遇不上。

Eric則指Eason簽他只是想幫朋友，更讚歎世上有這樣的朋友多好，盡顯友情。問到可有承諾Eric一年包賺多少錢？Eason說沒有，但卻有這責任，因為知道Eric有太太和養狗。問他可會因此有壓力？Eason坦言有點壓力，「我係為佢緊張，咁都好，我廿幾年來冇太多責任心，直到今天，開始要問問他有甚麼幫手，助手行不行。」至於他續約的酬勞問題，Eason坦言不會跟大家分享，但也是有多無少作為大前提。

盧凱彤（Ellen）和李幸倪（Gin Lee）均有來撐場，Ellen透露首次創作了一首國語新歌給Eason收錄在新碟內，既感榮幸也很期待。Gin亦謂很想跟Eason合作，之前舉行演唱會時已邀請過Eason當嘉賓，可惜未能成事。

（攝影：譚志光）

E · 发表于 2018-8-3 22:33:59

本帖最后由 1351549333@qq.com 于 2018-8-3 22:37 编辑

即時新聞――【吹神變經理人】陳奕迅簽郭偉亮響頭炮：責任好大
［轉帖自明報］

【今日直擊】「吹神」陳奕迅（Eason）今日出席洲際酒店舉行的續約環球記者會《UniversaL.O.V.Eason》，除了舉行續約儀式外，現場還宣布郭偉亮（Eric）正式加盟EAS Music，Eason榮升經理人，他大讚Eric是他心目中Top 5的男歌手之一。

受訪時，Eason表示做經理人責任大，慢慢開始感到壓力：「其實簽Eric前有猶豫過，跟年紀無關，但我想頭炮簽一位好強勁的新人，可惜一直找不到。Eric好多音樂創作上的想法都好得意，我好鍾意，我好欣賞而且明白他。」

談到續約環球的簽約數字，Eason說：「幾十......（幾十個億？）我講緊出幾多首歌，我知大家都以為好高，但實際數字無可能，唱片業仍是轉型期，環球對我一直好支持，數字對我而言已經有多無少。暫時市場不是繁盛時代，但我認為總有一日大家可抬起頭來。」

陳奕迅開個人label公司，頭炮簽好友郭偉亮。(孫華中攝)

陳奕迅拒透露續約費有多少。(孫華中攝)

E · 发表于 2018-8-3 22:30:51

本帖最后由 1351549333@qq.com 于 2018-8-3 22:33 编辑

即時新聞――簽約Eason旗下　Eric Kwok自嘲：佢係幫朋友
［轉帖自東網］

「歌神」陳奕迅（Eason）今日除了宣布與環球唱片續約的好消息之外，仲好事成雙即場宣布以老闆身分，為「自家音樂品牌」EAS Music簽下首位藝人郭偉亮（Eric Kwok）。

簽約要做招牌手勢

Eric Kwok於台上自爆Eason之所以簽自己，純粹是因為「幫朋友」，又不禁笑話：「呢一世有咁嘅朋友都幾好！」Eason就話心入面一直都有個男明星List，而老友正正是「Top 5」的其中一名，直言很欣賞對方的才華，又講笑大爆他13歲時覺得當時的流行歌好難聽，故「親自上陣」創作：「有時啲笑話得我哋識笑，冇人明，同佢鬥吹、鬥無聊。」說畢便進行簽約儀式，對住大螢幕的假手位置，以單手按下「簽名」，令Eric Kwok爆笑話：「呢世都係做番呢個動作。（Iron Man招牌手勢）」引來全場發笑。

自謙唱功唔及人

簽約後二人受訪，講到是Eason心目中男歌手Top 5，Eric Kwok直言對說法難以置信：「自己唱功唔及其他人，只係識唱自己嘅歌，難嘅歌都畀Eason唱。」他續指近年少做音樂，因為想做不同的事，創造個人音樂風格：「Eason聽完都好有興趣，我哋又好夾，有咩好得過老細又係自己好朋友？又會明白我。（講到佢好似救濟你咁。）唔係嘅，而係其實佢冇必要簽我，佢個團隊咁能幹，同埋佢照顧自己嘅時間都冇，但又要照顧我。（有咩工作大計？）會出大碟。」

要對員工負責任

身旁的Eason以老闆身份表示會給予**度發揮，期間卻大爆考慮簽Eric Kwok時有猶豫：「同年紀冇關，作為Label第一個新人係想簽完全Fresh、一張白紙、冇人識、冇歷史先勁，但一路都搵唔到，機緣巧合之下就簽佢，其實呢幾年都有講，我都係畀佢之前隻廣東大碟吸引咗，創作上係明白佢。」有冇諗過包Eric Kwok一年賺幾多？Eason笑話冇，但坦言做老闆有壓力，又自嘲：「會Feel到緊張，都好㗎！成20幾年都冇為咩有責任心，直到今日會主動去理，為佢緊張。」

Eric Kwok（左上）話估唔到呢世都係做番Iron Man（左下）個招牌手勢

呢個簽約儀式真係冇得頂！

Eric Kwok謙虛話淨係識唱自己嘅歌。

好期待佢哋之後有咩搞作！

E · 发表于 2018-8-3 22:37:34

本帖最后由 1351549333@qq.com 于 2018-8-3 22:38 编辑

即时新闻―【由細買碟買到大】連鄭嘉穎都有支持陳奕迅：當時佢冇人識
［轉帖自蘋果日報］

陳奕迅(Eason)續約環球記者會《UniversaL.O.V.Eason》今日喺洲際酒店舉行，Eason宣佈其個人label公司EAS Music成立，簽約郭偉亮（Eric Kwok）成為旗下首位藝人，Eric同時加盟環球唱片，成為旗下歌手並即場舉行簽約儀式。

大會送贈「金唱片相框」俾Eason，上面印有Eason歷年在環球所發行的各個唱片封面，並熨上金箔。Eason發行過不同格式的實體專輯共89張，而實體及數碼專輯總銷量超過2,000萬張，數碼平台串流次數超過210億，大型個人巡迴演唱會超過300場，全球踏足城巿超過80個，合計獲得「歌手」獎項超過170個。

Eason喺台上分享時話，自己由細個時已經鍾意購買寶麗金（即環球前身）嘅歌手唱片：「寶麗金歌手嘅碟，基本上所有我都會買，譚詠麟、張學友、陳慧嫻，甚至鄭嘉穎都有買。」擔任司儀嘅鄭丹瑞即刻質問Eason，「甚至」係乜嘢甚麼意思，Eason解釋：「因為當時鄭嘉穎係新人，冇人識，但我都會買碟支持。」

Eason話自己鍾意購買寶麗金出嘅嘅碟，連鄭嘉穎都有買。(蘋果日報)

麥嘉瑜、Gin Lee、盧凱彤及Robynn & Kendy等，今日亦有到場支持。

E · 发表于 2018-8-3 22:40:54

本帖最后由 1351549333@qq.com 于 2018-8-3 22:42 编辑

即時新聞――【Eason瘦了】陳奕迅認係寶麗金粉絲：當年有買鄭嘉穎唱片
［轉帖自明報］

【今日直擊】陳奕迅（Eason）今日出席續約環球記者會，記者會由鄭丹瑞（旦哥）做司儀，旦哥在1995年已擔任新秀比賽司儀，當年冠軍是Eason，旦哥說：「當年略帶脂肪小鮮肉，搖身一變成為現時天王巨星。」旦哥在記者會讀出Eason的威水史，全部數字都令人嘩嘩聲﹗

Eason於2004年加盟環球姊妹公司新藝寶唱片，至今已有14年，Eason自爆對環球素有情意結，他說：「我自小是寶麗金fans，上至譚詠麟﹑張學友﹑黎明﹑周慧敏﹑關淑怡及草蜢，甚至是鄭嘉穎，我都有買他們的唱片，所以對寶麗金有情意結。」記者會上，Eason舉行簽約及祝酒儀式，而眾環球歌手亦到場支持Eason。

陳奕迅今日出席環球續約記者會，更自爆當年曾買鄭嘉穎（小圖）唱片。（孫華中攝/資料）