【新闻】咩事咁大鑊！陳奕迅入廠吊鹽水幾日

E

咩事咁大鑊！陳奕迅入廠吊鹽水幾日

歌手陳奕迅（Eason）到元朗出席OGAWA按摩椅活動，森美擔任大會司儀。受訪時，Eason自爆日前扁桃腺炎，入醫院吊了幾天鹽水：「喺醫院有專業人士照顧好啲，又唔會喺屋企散播病菌。依家就好晒先出嚟，幾乎戒晒口，戒剩白粥，辣嘢、酸嘢開完騷先食。」他坦言這品牌活動本來於前幾天還有一次，但因他病了而取消，因此這天特別多人跟他合照。
問到按摩椅還是人手按摩較舒服？他認為是人手按摩，又自爆最愛用牆角或朋友的手,爭踭按摩：「好正㗎，仲可以練埋腳力。唔係人人都識幫人按，我就好叻嘅。（阿女有冇幫你按？）佢唔識，我好受力。（會唔會同阿女爭按摩椅？）唔會，佢有時會舒服到反白眼。不過唔好按到瞓過夜，我試過。」
一個人霸晒間屋
提到老婆徐濠縈打算陪女兒到外國讀書，Eason笑言：「咁正？好耐冇試過一個人霸晒成間屋，唔係咁益我呀？（捨得？）到時先知，都未發生。」他指自己讀書時並沒掛住屋企，又希望女兒入讀男女校：「正啲，真係唔會掛住屋企，青春期應該咁，唔擔心。（想佢玩多啲？）都要讀書嘅，平衡囉。好似做運動之餘，都要學文化、藝術、音樂，全面啲。」
至於可擔心女兒帶朋友回家？他表示自己當年不敢，而女兒亦甚有交帶：「有朋友正常嘅，不過好少朋友嚟我哋屋企。我好開通嘅，適當時間咪見面。你哋講到佢就結婚咁！（要買定嫁妝！）我哋唔興㗎！」

不過依家已經好番晒！

佢話已經戒晒口～

佢話勁鍾意按摩。

但鍾意人手按多啲。

老婆徐濠縈打算陪女兒到外國讀書，Eason笑言可以一個人霸晒成間屋！

E

即时新闻——老婆冇提過帶女兒外國升學 陳奕迅：唔係咁益我呀

陳奕迅（Eason）以按摩椅代言人的身份現身活動，並且明顯清減了。他稱可能太累，上周扁桃腺發炎要入院吊了幾日鹽水，並指此舉最好，因醫院有人照顧、不用擔心在家會傳播病菌、能專心休息，現已差不多完全康復，只是口腔潰瘍後仍有點喉痛。

Eason續稱慶幸是上周發病，能休息數天，不會影響下周在摩天輪舉行的慈善音樂會，但就無法出席兩日前品牌在上海辦的宣傳活動。當他大讚現在工作累了可回家用按摩椅，舒緩不少，笑指未有按摩椅前，想按摩背脊就要借助牆角或是朋友的手踭；不過亦發生過爭用按摩椅事件，就是女兒在按摩椅上睡著，看到其舒服樣也不想打擾。

提到太太徐濠縈指為了女兒、現齡14歲的康堤到外國升學，結束了時裝店；Eason驚訝道：「唔係嘛！她沒有提過，可能意思是隨時準備好…她會飛走咁正？我好耐無試過一個人獨霸間屋，唔係咁益我呀？（不捨得女兒？）未發生唔知道，但我記得自己去外國讀書時就唔多掛住屋企，如果讀男女校咁正就更加唔會掛個屋企，青春期就係咁；不過我亦唔擔心，她很有自理能力，讀書之餘，亦需要各方面平衡。（可擔心將來女兒帶個男友回家？）她很有交帶，屋企平日亦很少人來訪，不過我們很開放，適當時候自然會見面。」

E

【冇得擔心】傳徐濠縈陪女康堤到外國升學 陳奕迅：唔係咁益我呀

陳奕迅(Eason)今日到元朗出席按摩產品發佈會，下個禮拜六喺中環開騷嘅佢又明顯瘦咗，佢透露之前舊病復發令扁桃腺發炎，入咗醫院吊咗幾日鹽水同專心休息下，現時還有少少喉嚨痛及只能食白飯白粥，佢表示幸好並非開騷嗰個禮拜先病。
日前有指徐濠縈結束生意陪伴愛女康堤到外國升學，Eason鬼馬咁話：「唔係，冇提過，只係話隨時準備咁做，真係走咁正，我好耐未曾試過自己獨霸一間屋，唔係咁益我吓。」Eason表示一日未成事，都唔知會唔會掛住愛女，不過佢憶述自己留學時生活好忙，都冇時間掛住屋企，佢話：「睇下佢揀男女校定女校，如果係我揀就男女校，咁到時真係唔會掛住喇，青春期係咁㗎啦。」Eason表示冇得擔心，最緊要平衡到讀書同玩，佢又讚康堤好有交帶，平日好少帶朋友返屋企玩，問到唔帶男友返屋企會唔會仲擔心？佢開通咁話：「唔會，呢方面我哋好open，到適當嘅時候見到就見，冇乜所謂。」

Eason之前舊病復發令扁桃腺發炎(蘋果日報)

Eason表示幸好並非開騷嗰個禮拜先病(蘋果日報)

Eason表示康堤最緊要平衡到讀書同玩(蘋果日報)

E

【吹神瘦了】聞老婆陪女兒赴外地讀書 Eason：咁益我？

【今日直擊】陳奕迅（Eason）今日出席代言的按摩椅活動，見他比早前更瘦，原來他因扁桃腺發炎，要住院數天，他說：「吊完幾日鹽水，在醫院最好，有人照顧我，又可專心休息，現在康復得七七八八，只是扁桃腺發炎個口腔潰瘍，還有少少痛。」
談到太太徐濠縈把時裝店全面結束，並表示稍後或陪女兒到外國讀書，Eason一臉愕然：「我沒聽她提過，可能她意思是隨時準備好？飛走咁正？我都很久沒試過一個人獨霸間屋，不會這樣『益』我吧？（不捨得囡囡？）捨得與否到時先知，未發生不知道，不過我讀書時都不太掛住屋企，最重要讀男女校，那就不會想家，青春期就是這樣！」

陳奕迅明顯較之前消瘦。(劉永銳攝)