【新聞】聽日開騷！陳奕迅望核心內外圍唔再起樓

E

聽日開騷！陳奕迅望核心內外圍唔再起樓

歌神陳奕迅（Eason）與The Duo Band到中環摩天輪，為明日（27日）舉行的演唱會綵排，雖然現場有圍板，但「核心外圍」以及摩天輪上仍可遙望台上情況，而旁邊正舉行美酒佳餚活動，市民排隊進場時也可聽到Eason的歌聲。

受訪時，他透露聲音仍未完全復原，但覺得好開心和好正：「我去得多其他國家嘅空曠地方，呢度真係唔應該再起樓，嘥咗！」他指日本有地產集團把東京一幢大廈的頂樓用作藝術展覽場地：「嗰層樓賣或租出去係可以好搵錢，呢樣嘢對社會有好正面影響。（你試吓做？）我冇咁大層樓！（你屋企？）等我死咗先叫人嚟參觀！」

他自言不懂計數，但坦言要爭取保留睇到靚景的建設，例如以前的旋轉餐廳，又自爆曾食到嘔：「細個我係咁食，湯都飲咗5碗，一路食三文治，一路搵自己個位，然後就嘔！嗰時6歲，唔好執輸嘅心態嘛，我依家好啲啦。」他認為美景與做生意可以共存，又指這日踏足草地很舒服，不過聲音管制方面他就表示不清楚：「我已經提早咗，6至8點，不過鹹蛋黃（日落）冇出現，如果有霧霾咪唔放煙囉，我哋適應力強！」


提到觀眾席因安全理由要離台十米，他笑言沒有老土的握手位：「個個都有握手位？死啦，可能係我老土，咁下個賣飛騷設計吓。」他坦言難以在同一場地舉行，若再做實名制售票亦很複雜，又透露曾申請暑假開騷但不成功：「我未做過跨年！02年F4跨年，之後到周杰倫同張學友，啲人話我咁都夠膽喺佢哋後面開？我話唔關我事，係公司開。」他希望19年尾可以開，笑言謝霆鋒不一定要跨年：「佢過年做囉，派利是！我依家好唔要面咁講出嚟，希望大家支持，我開多啲，過30場都得！」

nikkozs

幸福摩天轮:)

陈二萌的小迷妹

幸福摩天轮~是的呢{:4_113:}