2013-08-07新闻

聼E好心情 · 发表于 2013-8-7 22:23:44

本帖最后由 joyceha0403@yahoo.com.hk 于 2013-8-7 23:55 编辑

即时新闻-《衝II》林子祥：首歌唔係我搶番嚟 (与臣相关)
来源：on.cc
[15:44] 2013/08/07

林子祥（阿Lam）出席音樂會綵排，對自《衝上雲霄II》播出後，阿Lam主唱的主題曲被批不及當年陳奕迅（Eason）的《歲月如歌》成為網上熱話，致綵排現場的公關亦煞有介事，特別向傳媒要求與阿Lam訪問時，不能問有關《衝》劇的問題，及後阿Lam受訪期間，當記者問到《衝上雲霄II》歌曲一事，即有一男一女突然出來為阿Lam擋駕，並打斷記者的問題說：「呢個問題唔答，你哋要問番有關Concert o既事。（咁個Concert會唔會安排唱呢首歌？）唔會安排。」而在場的阿Lam全程都不發一言，最後工作人員稱阿Lam綵排完才受訪便拉走阿Lam。之後等候近大半小時，阿Lam終於開腔解畫：「呢首歌我唔係搶番嚟，係TVB搵我創作，根據個劇情去作首歌，之後同鄭Sir（鄭國江）傾好，就係咁簡單，其他冇嘢講。」阿Lam稱有聽Eason首歌：「係好歌，好歌有人鍾意聽，唔好o既歌咪唔聽囉，無得咁比較，十年前o既歌個劇情同依家都唔一樣啦。」

聼E好心情 · 发表于 2013-8-7 22:38:33

本帖最后由 joyceha0403@yahoo.com.hk 于 2013-8-7 23:55 编辑

即时新闻 -林子祥：唔鍾意就唔好聽 (与臣相关)
来源：明报
[17:20] 文章日期：2013年8月7日

無限新劇《衝上雲霄II》主題曲由林子祥演唱，但不少觀眾表示懷念第一集由陳奕迅唱的主題曲《歲月如歌》；林子祥昨晚綵排音樂會時回應：「當然有人喜歡這首，有人喜歡那首……唱這首歌又不是我搶回來的，是TVB找我唱。（介意網民批評？）我沒有看又何須介意？每個藝人都要做自己最有感覺的事，尤其是創作歌手，我哪能理會這麼多？」

林子祥表示，曾聽過《歲月如歌》，他認為是好歌，「有好歌你喜歡聽，有不好的歌不喜歡聽便不要聽，但毋須比較，因為不能比較的」。

蝦蝦 · 发表于 2013-8-7 23:56:25

即時新聞 - 《衝II》主題曲遭狠批
阿Lam無奈：冇睇過批評，點解要介意？(與臣相關)
[轉貼自蘋果動新聞]
最後更新: 0807 22:42 / 建立時間: 0807 14:41

「燃亮我意志，鼓起我勇氣，前面去再創傳奇....... 」

唔知大家接受咗由林子祥（阿Lam）主唱嘅《衝上雲霄II》主題曲未呢？陳奕迅（Eason）早前喺演唱會慶功宴講過，原來佢本人有份自薦唱《衝II》主題曲，可惜當時因為「四大」問題，結果都係不似預期，但Eason就覺得阿Lam呢首主題曲都幾好聽。

始終珠玉在前，Eason嘅《歲月如歌》確實深入民心，搞到阿Lam呢首主題曲惹起廣泛爭議，網民狠批首歌錯配咗，好有80年代Feel，仲話若果配喺古裝片或武打片，效果可能會更佳，可惜........

咁Eason﹑阿Lam囝囝林德信﹑填詞人鄭國江及部份劇中演員，都先後回應過呢件事，咁身為《衝II》主題曲原唱者林子祥，又點睇外界爭議呢？阿Lam噚晚抱恙為《聲起：林子祥 X 香港節樂與節慶和聲》音樂會綵排，起初阿Lam避談，更有工作人員話：「唔准問有關《衝上》問題。」其實，有啲嘢始終要面對嘅﹗

綵排完一小時後，阿Lam再被追問有關《衝II》問題，佢終於開腔講喇，佢好無奈咁話：「我同鄭Sir（填詞人鄭國江）一樣唔想講，我冇上網，連Email、SMS都冇，唔知咁多事。我冇睇過批評，點解要介意？」

Eason自薦唱《衝II》link：
http://hk.apple.nextmedia.com/enews/realtime/20130803/51614518

蝦蝦 · 发表于 2013-8-7 23:58:10

即時新聞 - 【衝上雲霄II】主題曲不似預期
林子祥還擊：我又唔係搶番嚟 ! (與臣相關)
[轉貼自蘋果動新聞]
最後更新: 0807 18:10 / 建立時間: 0807 15:12

繼續係林子祥（阿Lam）講《衝上雲霄II》主題曲，陳奕迅嗰首《歲月如歌》實在太深入民心，深入到啲網民喺網上留言話，寧願《衝II》用返呢首好過，有網民甚至DIY《衝II》主題曲MV，當然係配番Eason首歌啦，足見回憶總是美好的。

對於外界熱捧《歲月如歌》，阿Lam噚晚反問：「即係Eason嗰首？」阿Lam為自己首歌平反，佢話：「有人鍾意呢首，有人鍾意嗰首，我又唔係搶番嚟，係TVB安排搵我創作，佢哋叫我作曲，創作首歌就係咁簡單。」

咁係咪好介意被網民批評？阿Lam就話：「睇都冇睇，冇乜要介意，唔會理咁多嘢，尤其係創作歌手，只要寫感受，首歌交到畀TVB就得，藝人都係做番最有feel嘅嘢，唔會理咁多。」

雖然阿Lam都讚Eason嗰首係好歌，但佢似乎唔多想同Eason嗰首作比較，阿Lam話：「有好歌你鍾意聽，唔好歌唔鍾意聽，咁咪唔好聽，冇得比較，但始終係10年前嘅事，劇情又不同，兩件事都唔一樣，你哋覺得係唔係？」

林子祥唔想同Eason首《歲月如歌》作比較。

陳奕迅喺個唱演繹《歲月如歌》時，觸動人心。（資料圖片）

其實林子祥同陳奕迅合作無間。（資料圖片）