【新闻】父愛爆棚！陳奕迅抱蘇永康囝囝唔肯放手

E · 发表于 2017-9-11 19:44:47

本帖最后由 E 于 2017-9-11 20:17 编辑

即时新闻―父愛爆棚！陳奕迅抱蘇永康囝囝唔肯放手

歌手蘇永康2014年同女友馮翠珊拉埋天窗，今年3月就生咗個好得意嘅囝囝蘇展弘（Jazz），蘇展弘得意可愛，真係好鬼得人歡心，當中「歌神」陳奕迅（Eason）都對佢愛不釋手。

蘇永康喺社交網就上載咗一段短片，見到Eason好肉緊咁抱住展弘，一時將佢抱高一時又抱低，又擰晒頭咁做啲古怪表情逗展弘笑，期間Eason又將個頭貼近展弘，見到展弘初時啲反應都唔係好大，但見到Eason咁落力，展弘都用雙眼望實Eason報上微笑，兩個真係玩得好投入。難怪蘇永康都留言：「幸福的小孩蘇爵士，沒有這位契爺我根本識唔到你媽媽也根本沒有你。爸爸每天都在感恩，Thanks bro在心中。」

而Eason太太徐濠縈都有上載短片，就見到藝人蔡一智太太向展弘餵奶嗰時，就蔡一智不停用手掃展弘隻腳仔，真係好有愛。

難得「正印」老竇蘇永康唔介意啫！

Jazz開心到呢！

Eason整古做怪，幫手湊仔都落足心機。

蔡一智老婆幫手餵奶時，蔡一智都忍唔住要撫摸Jazz腳仔。

Jazz肥嘟嘟，都真係好難放手嘅～

佢先係爸爸蘇永康喎！

同場加映車婉婉（中）同佢囝囝～

徐濠縈都有攬攬車婉婉囝囝。

不過Eason都仲係抱實Jazz唔放！

好可愛！

E · 发表于 2017-9-11 19:49:55

即时新闻―【幸福小孩】袁詠儀素顏餵蘇永康囝囝飲奶 E臣陪玩
［转帖自明报］
蘇永康的囝囝有影后袁詠儀餵奶、歌王陳奕迅陪玩，是個幸福的小孩﹗（明報製圖）

有Eason叔叔陪玩，Jazz開心到不得了﹗（視頻截圖）

蘇永康在圈中人緣甚佳，因此其就快半歲的囝囝Jazz也得到一眾叔叔姨姨的愛惜﹗

蘇永康昨日在Instagram上載袁詠儀抱住Jazz、餵他喝奶的照片，並留言︰「的確係一個幸福的小孩，最起碼我的朋友對他愛錫（惜）有加。影后Auntie靚靚幫你餵奶，you are such a lucky boy，除了感恩還是感恩﹗」

今日，蘇永康又分享陳奕迅逗Jazz玩的片段，留言說當日沒有陳奕迅就認識不到太太馮翠珊（Anita），然後就不會有兒子，所以他每天都在感恩﹗

E · 发表于 2017-9-11 20:03:01

即时新闻―【星級巨B晒冷】Eason玩蘇永康囝囝阿徐抱車婉婉混血囝囝
Eason同 Jass玩耍视频
Happy Sunday!有啲朋友識咗好多年，即使各有各忙，唔係成日見，都有好多話題講唔完，之不過朋友係要抽啲時間見。噚日下午，Eason兩公婆、車婉婉、蔡一智、周雪芳、蘇永康及馮翠珊等，約埋喺淺水灣一間餐廳，聚一聚，主角就落咗喺兩位星級巨B身上，就係蘇永康半歲囝囝Jazz、車婉婉混血囝囝Justus Quinlan（BBQ）。

蘇永康今日喺Ig貼一條片，片中見Eason同囝囝Jazz玩緊，係咁哄埋去，o氹得Jazz好開心，最後Jazz仲挨喺Eason膊頭，蘇永康感性留言：「沒有這位契爺，我根本識唔到你媽媽，也根本沒有你……爸爸每天都在感恩。Thanks bro在心中!」Jazz真係好多人錫，男神黃子華係佢契爺，歌神Eason又係噃!

同場仲見蔡一智同徐濠縈都有抱車婉婉囝囝BBQ影相，阿仔真係同婉婉好似樣，車婉婉喺Ig貼囝囝單人相，見出咗牙仔，婉婉就話BBQ成日超牙痕，超多口水，「這幾天Q MaMa極度忙於照料身體抱羔的老闆，忘記和大家宣佈一下：BBQ第二隻牙都出晒嚟啦」。

此外，媽咪級嘅周雪芳同馮翠珊就同婉婉分享湊B經，「Q氏和一眾好友及二代聚首一堂，過了個愉快的星期天下午，BBQ因為身體欠佳，已經多日足不出戶，今天算好了很多!特別多謝雪芳EE對Q MaMa的提示(有關於BB病病的照料須知)，真的獲益良多。I love MaMa's talk」。

契爺Eason發揮古靈精怪本色

係咁哄埋去，撩Jazz玩

(蘇永康Ig影片截圖)

(蘇永康Ig影片截圖)

蔡一智老婆周雪芳、車婉婉同蘇永康老婆馮翠珊

阿徐抱車婉婉混血囝囝BBQ，同樣係星級巨B

蔡一智都有同BBQ影相

車婉婉同Eason老友鬼鬼…

E · 发表于 2017-9-11 20:16:16

即時新聞―蘇永康囝囝有Auntie靚靚餵奶 Eason扮鬼臉氹開心
Eason同Jazz玩耍视频
Jazz得到叔叔及姨姨的愛錫，好幸福吖。

蘇永康在圈中廣交朋友，其即將半歲大的囝囝展弘（Jazz）得到叔叔及姨姨的愛錫，陳奕迅（Eason）老婆徐濠縈仲話過唔會追B，玩蘇康B仔仲好。

今日輪到Eason玩Jazz，見到契爺瞪大眼望實自己，Jazz依然一臉好奇仲笑得好開心，又攬攬Eason，成個畫面好溫馨。蘇康更自爆：「沒有這位契爺我根本識唔倒（到）你媽媽也根本沒有你，爸爸每天都在感恩」。

另外，蘇康昨日又上載袁詠儀（靚靚）餵Jazz飲奶的照片，感恩囝囝有位靚Auntie，又幸福又多人愛錫。