【新闻】陳奕迅Eric Kwok首次同框拍劇

E

即时新闻―［雙處男演出］為咗爭女大打出手 陳奕迅Eric Kwok首次拍劇

陳奕迅（Eason）、郭偉亮（Eric）、蔡思韵同余香凝等今日喺尖沙嘴出席ViuTV音樂劇《短暫的婚姻》宣傳。(蘋果日報)

(蘋果日報)

Eric同蔡思韵喺戲中係一對夫妻。(蘋果日報)

余香凝飾演Eason前妻。(蘋果日報)

(蘋果日報)

Eason同蔡思韵有婚外情，兩男為咗爭女更喺螢幕上大打出手。(蘋果日報)

Eric大爆爹哋為人風流，正好劇中角色參考其父而演：「佢係律師，而且好風流。」(蘋果日報)

陳奕迅（Eason）、郭偉亮（Eric）、蔡思韵同余香凝等今日喺尖沙嘴出席ViuTV音樂劇《短暫的婚姻》宣傳，處男拍劇嘅Eason，喺劇中嘅前妻由余香凝飾演，而Eric同蔡思韵就係一對夫妻，但係Eason同蔡思韵有婚外情，兩男為咗爭女更喺螢幕上大打出手。

該音樂劇將於下周一到五播出，一共五集，大會今日安排現場播出有關片段，司儀問到Eason係咪首次拍劇？佢話：「我係第一次拍劇，但感覺同拍電影差唔多。因為佢哋製作都係咁樣，曾聽人講拍劇時間較長，朝早06到30，即係第二朝06，又再接，好似冇時間休息，但呢套劇唔會。」Eason享受拍劇，卻堅持不會做導演：「我發誓唔會做導演，做導演好辛苦。」

Eric大爆劇中跟Eason打交：「好珍惜呢個機會，因為現實係唔會，同Eason呢幕好難打，因為唔係真打，要就住，打得好唔到肉咁，呢場拍咗好耐，要拍好多鏡。」Eric大爆爹哋為人風流，正好劇中角色參考其父而演：「佢係律師，而且好風流。」

Eason喺活動上未有接受媒體訪問便離開，Eric接受訪問時，佢講到爹哋為人風流：「爹哋唔嬲我，以前演唱會都講過，佢好有女人緣。我劇中角色好多女仔，但對老婆都好好，我好多嘢都遺傳咗爹哋，劇中發洩咗出嚟，好彩現實就冇，我第一次拍劇表現合格，蔡思韵表情帶我入戲。」至於同Eason打交戲，Eric話：「兩人爭女，一人一拳。」拍呢場戲可有受傷？Eric話：「Eason扭親少少，大家就住嚟打，我扯佢頭髮，佢扯我啲鬚，就住打難拍，真打易啲。」Eric笑言如果o依家要補戲會效果好啲。

問到蔡思韵同Eason有疑似接吻鏡頭，咁到底喺劇情上有咩火花，蔡思韵就賣關子：「唔劇透啦，我當時入咗戲，唔緊張，未入戲要試位時緊張啲，貼到好近。」佢自爆因為導演要求完美，所以有NG。

E

即時新聞―好兄弟爭女拳來拳往 郭偉亮扯Eason頭髮咁陰毒？

Eason出名髮線高，Eric扮打交竟然扯對方的頭髮。
陳奕迅（Eason）、郭偉亮（Eric Kwok）、蔡思韵、蔡潔及余香凝出席ViuTV音樂劇集《短暫的婚姻》記者會，分享拍攝感受。Eric透露劇中與Eason對立打交，笑言現實沒機會，珍惜這場機會；Eason笑言不打到肉比真打更攰。Eric又自爆角色與爸爸一樣，同是當律師和很風流，參考爸爸去演。

訪問時，Eric坦言爸爸真的風流，像其角色出面很多女人，對太太很好，但對出面的女人也很好。有否遺傳？他笑說有，所以在戲內發揮出來，因現實是沒可能。怕不怕爸爸嬲？他說不會，之前在演唱會上說過很多次，爸爸很有女人緣。Eric自覺今次演技首次合格，之前的演出都是失敗。

至於Eason與戲中Eric的太太蔡思韵關係曖昧，首播片段二人面貼面，蔡思韵不肯劇透有否親吻，只說拍這幕很緊張，NG了兩次。談到打交戲，Eric表示與Eason爭奪蔡思韵，一人一拳打起來。他說：「Eason扭到少少，已經就住扯佢頭髮，佢扯我啲鬚扮打，其實真打會容易啲。」

郭偉亮與蔡思韵、陳奕迅

《短暫的婚姻》記者會

E

即時新聞―掹鬚扯頭髮　陳奕迅郭偉亮爭女大打出手

歌神陳奕迅（Eason）、郭偉亮（Eric Kwok）、蔡思韵（Cecilia）、余香凝及蔡潔出席ViuTV與Eason合作的音樂劇《短暫的婚姻》記者會，不過Eason就冇接受傳媒訪問。首次拍劇嘅Eason喺台上話同拍電影分別唔大，只係拍攝時間比較長。提到今次為配合Eason的全新國語專輯而炮製音樂劇，他笑言發誓唔會做導演，因為實在太辛苦。Eric Kwok就指今次角色好似自己daddy咁風流，所以演出時都有喺daddy度作參考，更笑言首次同好友Eason做對手戲就要爭女打交，所以非常珍惜依個機會。而現場都播出劇中片段，片中Eason同Cecilia疑似有場咀嘴戲。

遺傳風流基因

接受訪問時，問到Eric Kwok爸爸係咪真係咁風流，佢笑言爸爸真係好風流：「我個角色出面好多女人，對自己老婆好好，但係對出面啲女人都好好。（唔似自己？）唔似自己錫老婆？（有遺傳到爸爸基因？）我有呀，所以喺拍戲度發洩出嚟，冇可能現實生活發洩。角色好深刻，直至今次第一次覺得演技合格，之前次次都好似失敗。今次練講對白練咗好耐，叫做有啲成果。（爸爸會唔會嬲？）自己concert都講咗好多次，佢好有女人緣。」問到Cecilia同Eason有冇咀嘴，她即大賣關子叫大家睇劇。講到同Eason有親密接觸緊唔緊張，Cecilia表示未入戲非常緊張，但一埋位就冇咁緊張，但笑言導演覺得拍得唔夠完美，所以NG了一兩次。

至於提到同Eason打交，Eric Kwok笑言：「一人一槌，都打咗幾耐，但出到嚟就唔係好耐。（有冇受傷？）佢好似扭到少少，但我哋已經就住，扮扯佢頭髮，佢又扮掹我啲鬚。好難扮打，我覺得真打會易啲。」

一只橘猫.

{:4_102:}{:4_102:}

E

即時新聞―【戀上人妻】與蔡思韵疑似咀嘴 陳奕迅明搶郭偉亮老婆
［轉帖自明報］

陳奕迅（Eason）、郭偉亮（Eric Kwok）、蔡思韵、蔡潔和余香凝等，今日出席ViuTV音樂劇《短暫的婚姻》記者會，會上播出幾分鐘片花，見到Eason與蔡思韵疑似有接吻戲。

Eason事前講明不做訪問，活動結束後即閃人，不過他在台上也大講感受，他說：「今次是首次拍電視劇，之前很多人說拍劇日夜顛倒，無得休息，但這個製作不是，跟拍電影差不多。」Eric Kwok剛指劇中與Eason是對立關係，由於Eason戀上自己太太（蔡思韵飾演，兩人因此大打出手，所以他好珍惜這次經驗，因為現實中不會發生。

蔡思韵受訪時不肯劇透，沒有回應她與Eason有否咀嘴，只說拍攝時候好緊張，NG了兩次。

小瑋iiEason

{:4_102:}{:4_102:}

E

即时新闻―拍剧宣传新国语碟 陈奕迅扮毆好友 难过真打

陳奕迅（Eason）為配合即將推出全新國語專輯的連串宣傳，會與ViuTV合作首次拍攝音樂劇集《短暫的婚姻》，Eason的新歌會貫穿整套劇集。有份參與演員包括Eric Kwok、蔡思韵、蔡潔、余香凝，Eason和他們昨日出席啟播禮，並分享拍攝樂事，故事中Eason與Eric Kwok及劇中太太蔡思韵會有段三角關係，兩男因而大打出手，Eason笑言扮打要比真打更難。Eric Kwok則笑稱這是難得「機會」，要好好珍惜！更自爆角色如像演繹爹哋的風流性格。大會首播劇集片段時，最尾一幕是Eason跟蔡思韵親近欲要嘴對嘴便完結，至於有否真的親嘴就大賣關子。
Eason完成儀式後不接受訪問便離開，至於他在台上則談到首度參演電視劇，覺得跟拍電影感覺分別不大。之前他聽過拍劇要輪住開「06至30」（凌晨6時至第二天6時），但今次沒這情況，有充足時間休息。Eric Kwok提到和Eason首次合作拍劇，跟音樂合作很不同，他表示：「我們在劇中是對立，會打架，和Eason認識十多年都未試過，所以好珍惜這次機會，哈哈！」Eason直言：「打起來又要碰不到肉，真的很難，比起真打還要累。」
蔡思韵和蔡潔大讚Eason這位前輩隨和，令她們沒有壓力，余香凝則說：「我和Eason的對手戲都好甜蜜，沒有壓力。」
Eric Kwok遺傳老竇DNA
Eric Kwok和蔡思韵一起受訪，前者的角色是背妻偷吃的律師人夫，他直言：「我爹哋都是做律師，品性風流，和我角色好相似。這角色在出面有好多女人，但對老婆都很好，（你遺傳爹哋基因？）有呀，所以在拍戲上發洩出來，現實生活就不可能。（會否觸怒爹哋？）我之前都有講過，還以為全世界都知，爹哋是有女人緣。」Eric Kwok在過往有過不少演出經驗，自覺每次都演得失敗，這次總算是合格，因劇本寫得很好，好有氣氛。問他和Eason為了爭女的打鬥場面，他透露：「一人一槌，一個扮掹鬚，一個扮扯頭髮，已經盡量就住打。但Eason好像有扭傷，真打會較容易。」
當問蔡思韵和Eason是否有親嘴場面，她賣關子說：「不能劇透，留給觀眾一個期待。（拍這鏡頭很緊張？）未入戲試位時會緊張，後來入戲便很順暢。不過導演覺得不夠完美，最後NG了兩次。」

葡兔成熟时

吹吹小鸟依人地依偎在Eric怀中，有想过他老婆的感受吗？{:4_113:}

E

葡兔成熟时 发表于 2017-10-5 01:03
吹吹小鸟依人地依偎在Eric怀中，有想过他老婆的感受吗？

哈哈哈對有想過我們的感受嗎{:4_107:}

布吉阿米

明天就可以看啦

E

即时新闻―【尊重觀眾智商】淡然後的餘韻 陳奕迅《短暫的婚姻》值得細味
新闻视频

         由陳奕迅主演的ViuTv音樂劇《短暫的婚姻》，已經於上周五（27號）播完，《短暫的婚姻》由《點五步》導演陳志發執導，舞台劇作家莊梅岩編劇，只有短短五集，每集更得三十分鐘，但已經足夠道出一個平淡又真實的故事。

Eason的歌好聽，眾所周知，Eason的聲音有渲染力，可以令到聽眾覺得他在訴說故事，Eason的唱功固然可以掌控得了激昂的情感宣洩，唱到力竭聲嘶或者「咦夜依野」的高音怒吼都不會難倒他，不過，平平淡淡，不需要用力刻畫什麼的歌，才最能道出Eason聲音中令人著魔的韻味，而劇集，亦如是。

短短五集中，不需要演員用數分鐘的對白去建立故事背景，亦不需要戲劇性的偷望、撞破、拆穿，對白不再是推動劇情的唯一工具，而是訴說角色內心的橋樑，鏡頭不再是特寫接特寫的對話、畫面不再為了存在而存在，而是在帶動劇情，一幕簡單的餐廳戲，一個鏡頭，一個境深，已經令觀眾看到角色之間的親暱與隔閡，這種尊重觀眾智商的拍攝，印象中已經很久沒有出現於電視，最起碼，近年大台的畫面仍然那麼的蒼白無力。

故事圍繞兩個家庭，簡單的相遇、簡單的接觸、簡單的投射，造就出一個不完美的結局，結局不完美，卻又如此真實，現實中最多的永遠不會是happy ending或慘絕人寰，而是淡淡然的不了了之，也許因為忘、也許因為忙、也許，因為亡。喪偶的陳奕迅遇上友善的蔡思昀，一個簡單的寒暄，帶出更多的接觸，陳奕迅發現蔡思昀身上有妻子的影子，簡單而自私的想補償以往的遺憾，蔡思昀發現陳奕迅身上有丈夫欠缺的特質，絕對談不上愛，最多只是一絲絲的好感，但一個巧合，令蔡思昀心亂如麻，碰巧身邊有一個有好感的人，感情的碰撞，剎那間已經結束，陳奕迅不知道自己喜歡的是她，還是她身上的另一個她，蔡思昀不知道自己喜歡上他，還是因為想報復另一個他。

故事淡淡的開始，亦淡淡的結束，主角之間的情感，就如「短暫的婚姻」，其實由始至終，主角之間的感情糾葛都道不清、說不明，唯一知道的是，三個人都已經回不了最初，之所以精彩，是因為如現實一樣，很多時所謂感情，不只是愛與不愛，而結局，亦不只有喜與悲，劇中結局有一種不知所措而結束的無奈，很戲劇，又如此寫實。


由陳奕迅主演的ViuTv音樂劇《短暫的婚姻》，已經於上周五（27號）播完，《短暫的婚姻》只有短短五集，每集更得三十分鐘，但已經足夠道出一個平淡又真實的故事。（互聯網圖片）

故事圍繞兩個家庭。（互聯網圖片）

簡單的相遇、簡單的接觸、簡單的投射，造就出一個不完美的結局。（互聯網圖片）

一幕簡單的餐廳戲，一個鏡頭，一個境深，已經令觀眾看到角色之間的親暱與隔閡。（互聯網圖片）

現實中最多的永遠不會是happy ending或慘絕人寰，而是淡淡然的不了了之，也許因為忘、也許因為忙、也許，因為亡。（互聯網圖片）

陳奕迅發現蔡思昀身上有妻子的影子，簡單而自私的想補償以往的遺憾，蔡思昀發現陳奕迅身上有丈夫欠缺的特質，絕對談不上愛，最多只是一絲絲的好感。（互聯網圖片）

其實由始至終，主角之間的感情糾葛都道不清、說不明，唯一知道的是，三個人都已經回不了最初。（互聯網圖片）

劇中結局有一種不知所措而結束的無奈，很戲劇，又如此寫實。（互聯網圖片）

E

即时新闻―VIUTV零干預尊重創作《短暫的婚姻》大獲好評，導演：冇諗過有咁嘅反應

由陳奕迅主演嘅ViuTv音樂劇《短暫的婚姻》已經播完，劇集有別傳統電視劇，導演陳志發噚晚接受《蘋果》嘅電話訪問，講到對於今次拍《短暫的婚姻》嘅睇法，仲特別多謝編劇莊梅岩。

對於《短暫的婚姻》播出街之後大獲好評，陳志發表示：「真係超出自己嘅意料之外，我哋台前幕後都估唔到有咁嘅反應，真係冇諗過。」曾經執導電影《點五步》，更憑《點五步》提名金像獎嘅陳志發，今次係第一次挑戰電視劇，佢話：「其實今次個製作都好接近電影，但係始終電視台會有電視台嘅制度，而電影個**度會高啲，不過最大問題都係時間，因為今次拍完要趕出街，所以拍完我哋基本上係冇停，個後製係要好快咁處理，電影係可能有一個充足嘅時間去準備，我都好想做到好似電影一樣，多番啲細節位，但係今次最大嘅敵人係時間。」

今次劇集要配合陳奕迅嘅最新專輯《C’mon in~》，陳志發話：「其實今次真係好多謝陳奕迅嘅經理人同ViuTv，佢哋冇干預到我哋嘅製作，而且編劇莊梅岩喺寫劇本嘅時候已經預定咗邊場戲用邊首歌，到後期剪，再放歌落去，用邊首歌佢哋都冇異議，好尊重我哋，本身我都好驚，佢哋又做音樂，對音樂咁有要求，我都擔心佢哋話『嗰個唔得呀，要配合Eason呀』咁，但係佢哋冇，呢樣嘢我好感激，亦都估唔到，尤其是第一集得一首《誰來剪月光》，不過佢哋完全冇話『唔夠歌，要加啊』之類嘅說話，反而話好好睇好感動，冇要求要多啲或少啲，所以好感激佢哋。」

今次拍劇有咁開心嘅經歷，會唔會勾起拍劇癮？陳志發坦言：「我一定係首選電影，但係今次呢個合作，睇完個劇本我覺得幾類近一個電影嘅規格，加上劇本又寫得好，不過其實當初我第一下係拒絕接呢個工作，當時我覺得應該搵啲結過婚，成熟啲嘅導演拍，不過後來聽到啲前輩同我講，身為一個導演，唔應該只係拍你擅長嘅嘢，而係應該嘗試用你嘅風格套落唔同嘅題材上，呢樣嘢好打動到我令到我最終接咗呢個劇本，當然要特別多謝編劇莊梅岩寫咗個咁好嘅劇本。」

由陳奕迅主演嘅ViuTv音樂劇《短暫的婚姻》已經播完，劇集有別傳統電視劇，因而大

E

即时新闻―短暫的婚姻句句入心：你幾乎以為之前所遇到嘅不幸，只係其他人嘅情節

ViuTv嘅《短暫的婚姻》已經播完，劇集有別於一般傳統電視劇，引嚟大批支持者，而劇集當中同一貫ViuTv嘅風格一樣，每集都有獨白，今次仲要係由主演陳奕迅親自操刀，而有唔少獨白都非常觸動觀眾心弦，引人入勝。

第一集

一段獨白，道出陳奕迅飾演嘅Galen面對特如其來嘅喪妻之痛。

「有時我覺得好戇居，我哋咁努力去生活，我哋太認真，每日返工放工、經驗事業、照顧屋企，我哋忙到唔記得咗，或者開心到唔記得咗，其實所有嘢，都會結束。我哋每日營營役役，就只係為咗等人生嘅不測。」

第二集

陳奕迅發現蔡思昀身上有亡妻余香凝嘅影子，本來已經心死嘅佢又再被觸動。

「當你以為冇嘢可以再牽動情緒，你突然又會被一啲嘢感動。可能係一束光、可能係光裡面嘅微塵，就好似睇戲一樣，你有一刻代入咗戲裡面嘅情節，離開咗自己嘅不幸。你幾乎以為，呢一刻先至係真實，而之前所遇到嘅不幸，只係其他人嘅情節。」

第三集

見到蔡思昀同Eric Kwok之間有嘅問題，特別係Eric Kwok出軌嘅舉動，令陳奕迅感受到人生嘅不公。

「唔一定係自己冇，先會妒忌人。妒忌都可以係因為，你覺得對方唔deserve，真心相愛嘅人，唔能夠天長地久，胡胡混混，反而容易同偕白首，上天究竟點樣拿捏因果報應，暫時冇一種宗教可以說服我。」

第四集

慢慢接受咗余香凝已經離開咗嘅陳奕迅，決定同個仔搬到英國繼續生活，但同時地又希望個仔嘅生活，一直都有媽媽嘅陪伴。

「一間屋可唔可以成為一個屋企，由傢俬到陳設，由顏色到氣氛，每個細節都好重要，我曾經以為，我已經失去辦別喜惡嘅能力，我以為，我永遠都唔會再參與呢種選擇。要搵一個地方重新開始唔難，重重新開始，同時又可以紀念過去就好難。」

第五集

面對蔡思昀對佢嘅舉動，陳奕迅喺當下停低，慢慢道出心中所想。

「原來如果你深愛對方，無論你嘅婚姻幾長，你都會覺得好短暫，我可以答你，我係有鐘意你，我只係分唔清，我鐘意嘅係你，定係喺你裡面搵到嘅阿敏。」

ViuTv嘅《短暫的婚姻》已經播完，劇集有別於一般傳統電視劇，引嚟大批支持者。

而劇集當中同一貫ViuTv嘅風格一樣，每集都有獨白。

今次仲要係由主演陳奕迅親自操刀。

有唔少獨白都非常觸動觀眾心弦，引人入勝。

E

即时新闻―【感覺最重要】用細節推進劇情 陳志發點睇《短暫的婚姻》？

由陳奕迅主演嘅ViuTv音樂劇《短暫的婚姻》短短五集已經播晒，但係短短五集嘅劇情，已經引起網民嘅討論，導演陳志發噚晚接受《蘋果》嘅電話訪問，講到對於今次拍《短暫的婚姻》嘅睇法。

講到網民嘅討論，有人話余香凝唔襯陳奕迅，陳志發就表示：「其實係因為氣質行先，當我哋決定用蔡思昀嘅時候，佢個氣質係幾獨特，香港係好少演員有呢種氣質，而余香凝其實好相似，我覺得氣質係第一位，而年齡、外貌都係其次。」講到劇情方面，陳志發對男女主角嘅感情有自己嘅睇法：「我自己嘅見解，其實呢種感情好複雜，Eason自己都唔知其實自己係鍾意蔡思昀定係蔡思昀身上嘅余香凝，我自己認為呢樣嘢係冇一個確實嘅答案。」陳志發話：「由當初睇劇本，到同編劇莊梅岩傾嘅時候，都覺得唔同傳統嘅電視劇，傳統嘅電視劇一定會有一場大戲令到角色間真係徹徹底底愛上對方，但今次其實冇，所有嘢都好慢，好自然嘅推進，我睇完劇本覺得幾特別，所以我嘗試用番呢種自然嘅感覺去推動劇情。」

對於結局，陳志發有自己嘅一套睇法：「我自己幾鍾意呢個結局，因為對劇嚟講都幾意外，其實我哋個期好緊迫，一日要拍十場，本來係就咁搬咗屋就完，但係之後喺剪接嘅過程發現，原來用兩個人嘅視角會好睇好多，天台執衫嗰場戲係電影部嘅監製柯星沛補拍，本身係冇呢一幕，係柯生提出有一個女主角嘅角度，我喺現場睇嗰幕戲，女主角落樓梯再上嚟回頭嗰一下，我覺得好sad，喺現場我已經決定擺最尾，就係因為呢一幕，就注定咗佢哋嘅開始，又注定係要分離，喺呢到開始，呢到結束。」

《短暫的婚姻》得短短五集，好多人都話想睇多啲，會唔會諗住拍續集？陳志發話：「莊梅岩寫咗一個好細膩嘅劇本，至於可唔可能拍續集其實都好睇佢嘅意思，今次合作非常愉快，我自己都好希望可以再合作，不過到時係唔係續集就未知喇。」

講到網民嘅討論，有人話余香凝唔襯陳奕迅。（劇照）

热心市民

哈哈，给力