【新闻】Eason驚喜現身叱咤頒獎台獻唱經典歌紀錄叱咤30年

E · 发表于 2018-1-3 11:24:18

本帖最后由 E 于 2018-1-3 11:25 编辑

即時新聞―【叱咤頒獎禮】又嚟超大驚喜 Eason經典歌紀錄叱咤30年

叱咤頒獎禮今年有好多驚喜，最令人尖叫嘅係謝霆鋒喺無預警下突現身獻唱，揭起今晚頒獎禮序幕。頒獎禮喺頒幾個「我最喜愛」系列之前，先係每年都有嘅林海峰環節，不過今年唔係佢solo，而係同另一位好令人驚喜嘅嘉賓－－陳奕迅出場。

林海峰喺台上介紹陳奕迅出場，佢先賣關子話：「新年快樂，嚟緊係叱咜30周年，30歲會喺計劃將來，愐懷過去，會否諗之前嘅……98年嘅你係點，至尊大獎播緊陳奕迅嘅《我的快樂時代》。」

銀幕上幕出Eason攞獎時嘅片段，林海峰繼續話：「那些年，謙虛得嚟好戚，含蓄得嚟好浮誇，人生就係似春天咁，青春so good，有人話青春其實戇居。」

一場開場白後，到Eason唱歌，現場好多人彈起身歡呼，佢着住啡長褸、梳起頭、左手插褸袋，唱出《天下無雙》、《時代曲》、《陀飛輪》、《我的快樂時代》、《K歌之王》等經典金曲。其間台上螢幕播出張國榮上台得獎、以往叱咤頒獎禮嘅片段，包括張學友，王菲，草蜢等等得獎。

um……今年李克勤拎完首次嘅至尊金曲同男歌手金獎，唔知佢下年會唔會有扮表演呢？

叱咤頒獎禮今年有好多驚喜，其中包括陳奕迅出場。

林海峰喺台上介紹陳奕迅出場。

一場開場白後，到Eason唱歌，現場好多人彈起身歡呼。

Eason 唱出《天下無雙》、《時代曲》、《陀飛輪》、《我的快樂時代》、《K歌之王》。

E · 发表于 2018-1-3 11:26:39

本帖最后由 E 于 2018-1-3 11:29 编辑

即時新聞―叱咤：歌神歸位！Eason霸氣唱：K歌之王係我

歌神陳奕迅（Eason）終於歸位！今晚叱咤繼謝霆鋒送上驚喜後，Eason亦亂入頒獎禮做表演嘉賓，在林海峰的獨白下襯托Eason的歌聲，從《我的快樂時代》、《天下無雙》、《陀飛輪》，再到《K歌之王》，Eason唱盡樂壇的幾許風雨。

雖然林海峰笑Eason那年青春芳華正茂，一臉青澀稚氣，其實是戇居，但Eason唱《K歌之王》時夠膽唱「K歌之王係我」，如此霸氣，香港樂壇只有他一個--陳奕迅！

林海峰又大讚Supper Moment及陳柏宇等歌手做出精彩時刻，笑言：「就算過咗30，Do姐（鄭裕玲）都可以再Shopping！」林海峰又說出各歌手獲獎時的金句，例如楊千嬅的「心口有個勇字」及張學友的「好歌有好報」等。最後Eason多謝電台以及台上的音樂人何丙就落台。

歌神Eason歸位！

K歌之王返嚟喇！

蒸呀！

Eason 仲唱出多首經典歌！

陳奕迅仲好霸氣咁唱出「K歌之王係我」。

冇得頂呀！

陳奕迅

陳奕迅