QQ登录

只需一步,快速开始

查看: 2946|回复: 4

【新闻】中文金曲:陳奕迅自嘲係甩歌詞人辦

[复制链接]
E

TA在排行榜Top1000

积分:暂未上榜

发帖:NO. 482

在线:NO. 527

  • TA的每日心情
    开心
    昨天 12:09
  • 签到天数: 320 天

    [LV.8]以坛为家I

    今日最高分:0

    今日排行:未上榜

    发表于 2018-1-6 18:00:16 | 显示全部楼层 |阅读模式
    本帖最后由 E 于 2018-1-6 18:01 编辑

    即时新闻―中文金曲:陳奕迅自嘲係甩歌詞人辦

    《第40屆十大中文金曲-我和你音樂會》在九展舉行,譚詠麟(校長)宣布男歌手獎由陳奕迅(Eason)奪得,全場拍手歡呼,身穿西裝的Eason Gel行到個頭現身,他表示:「好開心可以喺校長手上攞獎,多謝電台、所有支持我嘅朋友,我會做多啲好嘅演出,繼續唱多啲歌,我咁鍾意唱歌,會繼續開心咁唱。」之後宣布女歌手獎是張靚穎奪得,缺席的她亦有預先拍片多謝。

    然後校長頒發「最優秀流行歌手大獎」,其中男歌手都是由Eason奪得!他表示:「多謝電台,真係好多回憶,我成日飛嚟飛去,香港歌手依家多咗機會返去內地、美加、歐洲等地方做騷,多咗好多機會,但永遠都係喺自己屋企最開心。多謝咁多年支持我嘅朋友,多謝一齊共事嘅朋友,今年都做咗好好嘅專輯。」

    已奪兩獎的Eason之後就再度獲獎,憑《誰來剪月光》贏得「全球華人至尊金曲獎」,Eason認為是頒獎給他的校長譚詠麟帶給他運氣:「佢之前仲犀利,我依家造歌冇乜諗之後嘅發展,淨係造。」他亦說此曲由多位香港音樂人負責:「知道呢首歌咁受歡迎好開心,覺得好好玩,做歌手最緊要過癮。」他又自嘲沒有做足功課,是「甩歌詞」的人辦,抵畀人鬧,校長尷尬笑言:「咁代表你多金曲,但你個態度正確。唔使諗咁多,做咗先算。」Eason笑言:「驚自己講太耐,總之要搵多啲可能性,大細舞台都一樣好好玩。」一口氣連奪三大獎項的Eason擔任壓軸表演嘉賓,唱出出道以來的經典金曲,令人聽出耳油。

    陳奕迅呢次就連奪三個獎!

    由校長頒獎~

    陳奕迅(左)就應承大家會繼續唱歌,做多啲好音樂。

    之後又就自嘲係甩歌詞人辦!

    又話做歌手最緊要過癮!

    本帖子中包含更多资源

    您需要 登录 才可以下载或查看,没有帐号?主站注册

    x
    E

    TA在排行榜Top1000

    积分:暂未上榜

    发帖:NO. 482

    在线:NO. 527

  • TA的每日心情
    开心
    昨天 12:09
  • 签到天数: 320 天

    [LV.8]以坛为家I

    今日最高分:0

    今日排行:未上榜

     楼主| 发表于 2018-1-6 18:04:30 | 显示全部楼层
    即時新聞―【中文金曲】Eason連攞3獎 做足功課記歌詞表演

    譚詠麟與太極樂隊在《十大中文金曲我和你音樂會》上,合唱金曲串燒。其後譚校長頒發「全國最佳組合」給台灣天團五月天,內地歌手張靚穎奪「全國最佳女歌手」,「最優秀流行女歌手」屬容祖兒,惟他們未能到場領獎。

    譚校長續頒「全國最佳男歌手」給陳奕迅(Eason),Eason親自領獎。之後宣佈Eason連獲「最優秀流行男歌手」,他感言:「好似REPLAY,好多回憶,我好多機會返內地、歐美、台灣、星馬做騷,但永遠返屋企最開心。」問到會否每年出席頒獎禮?Eason表示更想多些不同面孔,多些人來玩。

    Eason再憑《誰來剪月光》奪「全球華人至尊金曲」獎,是他第10次奪得此大獎,並有感而發說:「我現在做歌不再在意之後發展,遇到好歌覺得好好玩,在台上最緊要自己玩得過癮,以下環節就好過癮,我練咗好耐,做足功課就唔會緊張,我係人辦,之前做唔足功課甩詞值得俾人鬧,無藉口。」身旁的譚詠麟即笑言他忘詞只因多金曲。Eason為觀眾帶來練習成果,獨享舞台獻唱《四季》、《Shall We Talk》、《任我行》、《夕陽無限好》、《陀飛輪》、《富士山下》等歌曲。

    《十大中文金曲我和你音樂會》得獎名單

    金曲40全球傑出歌手獎:李克勤

    最優秀流行歌手大獎

    男歌手:陳奕迅

    女歌手:容祖兒

    全國最佳歌手獎

    男歌手:陳奕迅

    女歌手:張靚穎

    組合:五月天

    全球華人至尊金曲獎 :陳奕迅《誰來剪月光》

    全國最佳中文歌曲獎:李克勤《失魂記》

    Eason自嘲之前表演時忘詞值得被人罵,今次做足功課好好演出。

    本帖子中包含更多资源

    您需要 登录 才可以下载或查看,没有帐号?主站注册

    x
    E

    TA在排行榜Top1000

    积分:暂未上榜

    发帖:NO. 482

    在线:NO. 527

  • TA的每日心情
    开心
    昨天 12:09
  • 签到天数: 320 天

    [LV.8]以坛为家I

    今日最高分:0

    今日排行:未上榜

     楼主| 发表于 2018-1-6 18:07:24 | 显示全部楼层
    即時新聞―【港台音樂會】跟李克勤各奪5獎 Eason第13次膺最優秀男歌手

    港台「第40屆十大中文金曲我和你音樂會」,陳奕迅(Eason)連續第13次奪得「最優秀流行男歌手大獎」﹑缺席頒獎禮的容祖兒,則連續第14次「最優秀流行女歌手大獎」,認真厲害﹗而Eason還奪得「全國最佳男歌手獎」,而張靚穎膺「全國最佳女歌手獎」﹑五月天則奪「全國最佳組合獎」,「全球華人至尊金曲獎」同樣由Eason奪得,他憑歌曲《誰來剪月光》獲獎,這亦是Eason第10個「全球華人至尊金曲獎」,而整個港台十大中文金曲頒獎禮,李克勤和Eason平分春色,各奪5個大獎。

    港台「第40屆十大中文金曲」已圓滿結束,得獎歌手及歌曲如下:

    十大中文金曲(共11首):

    李克勤《失魂記》

    衛蘭《天敵》

    陳柏宇《霸氣情歌》

    李幸倪《空姐》

    許廷鏗《痛醒》

    C AllStar《兄兄我我》

    周柏豪《天網》

    AGA《3AM》

    吳業坤﹑JW《原來只因深愛著》

    林奕匡《難得一遇》

    ToNick《長相廝守》

    優秀流行國語歌曲獎:

    金獎:陳奕迅《誰來剪月光》

    銀獎:A-Lin《隨心所遇》

    銅獎:閰奕格《我有我自己》

    CASH最佳創作歌手獎:林奕匡

    全年最佳樂隊/組合獎:

    金獎:Supper Moment

    銀獎:Dear Jane

    銅獎:C AllStar

    最有前途新人獎:

    金獎:顏卓靈

    銀獎:王嘉儀

    銅獎:伍富橋

    全年最佳進步獎:

    金獎:鍾舒漫

    銀獎:Hana菊梓喬

    銅獎:林欣彤

    優秀流行歌手大獎:許廷鏗﹑李幸倪(Gin Lee)﹑陳柏宇﹑衛蘭﹑陳奕迅﹑容祖兒﹑李克勤﹑王灝兒(JW)﹑王菀之﹑周柏豪和江海迦

    全國最佳中文歌曲獎:李克勤《失魂記》

    全國最佳男歌手:陳奕迅

    全國最佳女歌手:張靚穎

    全國最佳組合:五月天

    全球華人至尊金曲獎:陳奕迅《誰來剪月光》

    最優秀流行男歌手:陳奕迅

    最優秀流行女歌手:容祖兒

    金曲40全球傑出歌手獎:李克勤

    陳奕迅今晚亮相港台頒獎禮,並一口氣連奪三個大獎。

    Eason唱@盡個人經典金曲,令觀眾聽出耳油。

    Eason第12次奪得「最優秀男歌手大獎」。

    左起:梁家榮、陳奕迅、譚詠麟和張文新台上影合照

    本帖子中包含更多资源

    您需要 登录 才可以下载或查看,没有帐号?主站注册

    x
    E

    TA在排行榜Top1000

    积分:暂未上榜

    发帖:NO. 482

    在线:NO. 527

  • TA的每日心情
    开心
    昨天 12:09
  • 签到天数: 320 天

    [LV.8]以坛为家I

    今日最高分:0

    今日排行:未上榜

     楼主| 发表于 2018-1-6 18:12:53 | 显示全部楼层
    即時新聞―【另一驚喜】Eason現身領3大獎:可能係校長俾我嘅運氣

    事前預告將會缺席樂壇頒獎禮嘅陳奕迅(Eason),繼日前突然現身叱咤頒獎禮演出後,今晚亦驚喜現身「第40屆十大中文金曲 我和你音樂會」,並連掃3獎,包括全國最佳歌手獎(男歌手)、最優秀流行歌手大獎(男歌手),以及憑國語歌《誰來剪月光》奪得全球華人至尊金曲獎。

    港台安排演出嘅譚詠麟頒獎俾Eason,Eason分3次出場並講得獎感言,佢笑言「好似Reply咁」,佢話:「好開心,多謝校長,我會做多啲好歌,唱多啲歌,我咁鍾意唱歌。」、「o依家我哋啲歌手多咗好多機會去外地演出,內地、歐美、台灣、星馬等,但永遠都係返到嚟自己屋企就最開心。多謝支持我嘅朋友,同同我共事嘅人,希望多啲歌手五月天也好,張靚穎也好(編按:包括全國最佳歌手獎女歌手及組合得獎者),都可以嚟支持我哋。」但當主持人話望每年見到Eason時,Eason先是一窒,對方反問佢「你做乜咁驚?」

    到Eason攞全球華人至尊金曲獎時,佢講感言時分享自己做歌心得:「可能係校長俾我嘅運氣,我想講o依家做歌,我唔知大家係唔係,我其實唔係好在意之後嘅發展,做歌就只係因為遇到好歌。」佢又話自己隻國語碟喺唔知嘅情況下同咗好多香港人合作,所以好好玩,佢話最緊要做好自己、玩得開心,練習到自己唔使再諗,可以有更多focus去俾其他地方,唔使緊張,做足功課。

    其後Eason聯同徐日勤大樂隊,唱完一連串Eason嘅串燒歌,包括《Shall We Talk》、《四季》、《富士山下》、《明年今日》、《夕陽無限好》、《重口味》同《陀飛輪》。

    而Eason連同之前已頒獎嘅優秀流行歌手大獎,及憑《誰來剪月光》攞嘅優秀流行國語歌曲獎,Eason合並捧5獎。

    譚校長負責頒獎俾Eason(蘋果日報)

    而Eason一嚟就掃3個獎(蘋果日報)

    Eason話攞奬可能係校長俾佢嘅運氣(蘋果日報)

    Eason仲演唱咗一連串串燒歌(蘋果日報)

    由校長譚詠麟頒發3大獎畀Eason。(蘋果日報)

    陳奕迅唱出多首金曲。(蘋果日報)

    本帖子中包含更多资源

    您需要 登录 才可以下载或查看,没有帐号?主站注册

    x
    E

    TA在排行榜Top1000

    积分:暂未上榜

    发帖:NO. 482

    在线:NO. 527

  • TA的每日心情
    开心
    昨天 12:09
  • 签到天数: 320 天

    [LV.8]以坛为家I

    今日最高分:0

    今日排行:未上榜

     楼主| 发表于 2018-1-6 18:16:39 | 显示全部楼层
    即時新聞―【金裝流行經典50年】女主持一句嚇窒Eason 到底係邊句?

    港台嘅「十大中文金曲」今年嚟到第40屆以回憶做主題,睇嚟想搞搞新意思,港台仲將頒獎禮分為兩截,大部分嘅上個月頒晒,唔使唱歌齋攞獎,睇落都幾easy。小子你真係太年輕了,只係唔使你唱新歌咋!

    嚟到之今日呢個「第40屆十大中文金曲 我和你音樂會」,話明係音樂會,梗係要有歌啦!加上要「回憶」,冇錯!就係搵一班年輕嘅歌手勁唱經典金曲,中間穿插前輩歌手,創作到呢……

    不過最犀利就係搵嚟做咗爸爸冇耐嘅城城做嘉賓,仲有Eason今晚連奪3個大獎都非常之咁surprise。不過最「surprise」Eason拎3個獎,佢要分3次講感言,搞到Eason都話:「好似Replay咁。」

    之但感言點都要講嘅,Eason就喺感言中都講到佢去到世界各地,香港始終都係拎佢最舒服,佢仲話:「多謝支持我嘅朋友,同同我共事嘅人,希望多啲歌手五月天也好,張靚穎也好(編按:包括全國最佳歌手獎女歌手及組合得獎者),都可以嚟支持我哋。」呢段感言非常之得睇,又夠晒尊重大會,原本真係perfect㗎!不過好衰唔衰,女主持一句:「希望出年都見到你。」搞到見慣世面嘅Eason都窒咗。而女主持仲連hit,問Eason:「你做乜咁驚?」odd到呢……

    其實Eason早幾年講到明唔玩頒獎禮,而今年佢都只係喺「叱咤」做表演嘉賓,而嚟到「十大中文金曲」一早已經講到明係表演嘉賓,相信下年見到佢嘅機會真係少啲。

    校長嚟頒大獎。(蘋果日報)

    Eason 今晚連奪3個大獎。(蘋果日報)

    仲講足3次感言。(蘋果日報)

    本帖子中包含更多资源

    您需要 登录 才可以下载或查看,没有帐号?主站注册

    x
    您需要登录后才可以回帖 登录 | 主站注册

    本版积分规则

    技术支持: 才子  X3.4© 2013-2023 神經研究所

    小黑屋|手机版|Archiver|神經研究所 ( 粤ICP备13074137 )

    GMT+8, 2024-3-29 20:07 , Processed in 0.265625 second(s), 42 queries .

    快速回复 返回顶部 返回列表