QQ登录

只需一步,快速开始

查看: 2830|回复: 4

【新闻】拍《臥底巨星》拍到喊 Eason:自己太感性

[复制链接]
E

TA在排行榜Top1000

积分:暂未上榜

发帖:NO. 482

在线:NO. 527

  • TA的每日心情
    开心
    昨天 12:09
  • 签到天数: 320 天

    [LV.8]以坛为家I

    今日最高分:0

    今日排行:未上榜

    发表于 2018-1-16 14:00:06 | 显示全部楼层 |阅读模式
    本帖最后由 E 于 2018-1-16 14:02 编辑

    即时新闻―男兒淚!拍《臥底巨星》拍到喊 陳奕迅:可能年紀大,自己都感性咗

    由陳奕迅同李榮浩主演嘅電影《臥底巨星》,今晚喺旺角舉行首映,陳奕迅、谷德昭、劉浩龍、許紹雄同埋海報師阮大勇都有嚟到。

    問到Eason今次係咪打得好勁,佢就話:「要用真力,同埋要識得放,我拍咗呢套戲之後,好欣賞啲動作演員,我寧願被人打,因為被人打只係要做反應,做打人嗰個要好用力,同埋節奏都好重要。」

    Eason又自爆今次拍到喊,佢話:「因為我扭計,原因係其間拍拍下我要離開兩個星期,去拍《中國好聲音》,再埋位拍嘅時候,發現導演唔愛我,只係愛李榮浩,佢做啲咩導演都係咁笑,我自己就吃力不討好,我同導演講嗰時都邊講邊喊。」

    谷德昭就即刻喺側邊話:「好有情愛嘅感覺,不過Eason可能好耐冇做喜劇,佢嘅標準係睇我收唔收貨,加上佢離開咗一段時間,因為李榮浩係新人,所以我要畀多啲信心佢,係Eason諗多咗。」仲咀咗Eason一淡。

    問到陳奕迅今次係咪真係拍到喺鏡頭外喊?陳奕迅就話:「係呀,因為我嗰一刻覺得自己做得唔夠好,啲情緒慢慢累積,唔明白呢件事點解會發生喺自己身上,可能年紀大,自己都感性咗,其實拍完我都有同劉浩龍呀、李榮浩呀佢哋講番。」李榮浩知道呢件事之後好欣賞Eason,仲話如果係自己會唔敢咁直接講出嚟,而導演谷德昭就話:「我鍾意到不得了呀,佢好投入呢件事。」

    林家棟今日都有現身到場支持首映,講到Eason拍到喊,佢話:「其實都會㗎喇,我自己都試過,有時係情緒被劇本帶住,跟住個角色走。」但係今次Eason向導演同李榮浩爭寵喎?林家棟笑言:「導演錫你先逼到你喊㗎啫,受得住咪得囉。」

    (攝影:仇志德)

    Eason又自爆今次拍到喊(蘋果日報)

    林家棟今日都有現身到場支持首映(蘋果日報)

    本帖子中包含更多资源

    您需要 登录 才可以下载或查看,没有帐号?主站注册

    x
    E

    TA在排行榜Top1000

    积分:暂未上榜

    发帖:NO. 482

    在线:NO. 527

  • TA的每日心情
    开心
    昨天 12:09
  • 签到天数: 320 天

    [LV.8]以坛为家I

    今日最高分:0

    今日排行:未上榜

     楼主| 发表于 2018-1-16 14:05:01 | 显示全部楼层
    即时新闻―【醉拳720】拍前練打兩星期 陳奕迅覺得自己唔好笑

    由陳奕迅同李榮浩主演嘅電影《臥底巨星》,今晚喺旺角舉行首映,陳奕迅、谷德昭、劉浩龍、許紹雄同埋海報師阮大勇都有嚟到。

    為無數香港電影設計過唔少精美海報嘅阮大勇今日都有到場支持,佢話:「自己畫咗六十幾年,每次畫海報都覺得好難,今次我畫陳奕迅先生同李榮浩先生,李榮浩畫到隻眼細啲就似,但係陳奕迅就好難,樣樣嘢都好平均,不過今次見到真人,原來陳奕迅對眼好大好有神,如果下次再合作的話我會畫得好啲。」喺身邊嘅導演谷德昭就話:「如果再合作,叫佢著短褲啦,佢碌髀都好粗㗎。」

    谷德昭係呢套戲嘅導演,佢就講到Eason今次又好笑,又親身上陣拍動作戲,佢話:「Eason喺拍之前兩個星期,佢要去做啲訓練,洪天祥就做佢嘅指導,拍嗰時都係拍咗打戲先,等佢後面可以舒服啲,不過我都多謝Eason,作為實力偶像派,佢喺戲入面都有好多造形豁出去。」

    喺電影入面陳奕迅飾演一名動作巨星,少不免會有好多動作場面要拍攝,問到佢有冇受傷,Eason就話:「都有啲嘅,好似嗰朝拍『醉拳720』就最難,勒住咁轉體三周。」點解今次咁難得會拍喜劇?Eason話:「其實好多因素,15年拍完《擺渡人》之後,自己做咗兩年巡演,覺得生活好死板,其實我覺得自己唔好笑㗎,但係谷德昭話我唔係,咁我咪拍囉,拍嘅時候反而好投入,仲好開心。」

    劉浩龍喺戲中就做Eason嘅武術指導,佢話:「我就點Eason打嘅,不過後來導演就安排咗一場我打Eason,為咗呢場戲我練咗三日

    攝影:仇志德

    為無數香港電影設計過唔少精美海報嘅阮大勇今日都有到場支持。(蘋果日報)

    谷德昭係呢套戲嘅導演,佢就講到Eason今次又好笑,又親身上陣拍動作戲。

    喺電影入面陳奕迅飾演一名動作巨星,少不免會有好多動作場面要拍攝。(蘋果日報)

    問到佢有冇受傷,Eason就話:「都有啲嘅,好似嗰朝拍『醉拳720』就最難,勒住

    點解今次咁難得會拍喜劇?Eason話:「其實好多因素,15年拍完《擺渡人》之後,

    Eason話:「其實我覺得自己唔好笑㗎,但係谷德昭話我唔係,咁我咪拍囉。」

    劉浩龍喺戲中就做Eason嘅武術指導。(蘋果日報)

    本帖子中包含更多资源

    您需要 登录 才可以下载或查看,没有帐号?主站注册

    x
    E

    TA在排行榜Top1000

    积分:暂未上榜

    发帖:NO. 482

    在线:NO. 527

  • TA的每日心情
    开心
    昨天 12:09
  • 签到天数: 320 天

    [LV.8]以坛为家I

    今日最高分:0

    今日排行:未上榜

     楼主| 发表于 2018-1-16 14:08:07 | 显示全部楼层
    即时新闻―歌神陳奕迅片場慘被冷落 失控爆喊

    歌神陳奕迅(Eason)以演員身份與導演谷德昭、劉浩龍、許紹雄、Chris Collins、電影海報大師阮大勇等到旺角出席首映禮,眾星分享拍攝趣事,還即席教Fans打功夫。

    Eason透露在片場因覺得谷德昭只照顧另一主角李榮浩,覺得被冷落,呷醋之下忍不住喊了出來,谷德昭聞言即錫他面珠一啖,場面搞笑!

    十年冇拍喜劇

    Eason與谷德昭接受訪問,Eason表示沒有拍喜劇十多年,擔心自己掌握不到喜劇的節奏,對自己冇信心,又覺得谷德昭比較注意新人李榮浩,所以不禁呷醋:「第一次喺鏡頭之外喊,好似扭計咁,未試過有咁深厚嘅感情,唔知點解,當時覺得自己做極都唔得,谷德昭又唔理我,我就叫停嗌休息同埋喊,場面都幾odd,可能年紀大咗感性啲,我呢個方式都幾弱質纖纖。」谷德昭笑說:「我鍾意佢咁鍾意到不得了,好朋友咁投入角色,令我都加多幾錢肉緊!(愛Eason多咗?)一直都好愛!之前都有藝人拉埋我一邊叫我理佢,我就公事公辦,Eason呢啲就入心入肺!」

    吊兩條威吔

    Eason在片中有不少打鬥場面,他直言也有受傷,最難處理是要吊威吔施展「醉拳720」:「要吊兩條威吔,一放就由威吔帶住我轉,個人又要伸到直一直!(唔敢再拍動作片?)可以拍揸槍嗰啲!(再拍喜劇呢?)隨緣,好難先令我再拍戲,今次谷導演都說服咗我好耐,可能我前兩年拍嘅戲都比較heavy,又做演唱會,生活比較死板,其實我唔覺得自己好笑,但谷導演係咁說服我,的確拍完喜劇個人係開心番!」

    另外,阮大勇直言Eason肖像相當難畫:「因為佢五官好四正、平均,但今次見面後,發覺佢眼睛很大很有神,有信心下次會畫得更好!」谷德昭即搞笑叫Eason着短褲:「佢對髀好粗,呢個易畫!」

    Eason唔好唔開心啦!

    佢話片場被冷落,所以唔開心。

    有肥谷錫~

    依家咪笑番!

    大合照。

    生龍活虎呀~

    林家棟都有到場~

    本帖子中包含更多资源

    您需要 登录 才可以下载或查看,没有帐号?主站注册

    x

    TA在排行榜Top1000

    积分:NO. 460

    发帖:NO. 44

    在线:NO. 161

  • TA的每日心情
    开心
    2017-7-18 00:46
  • 签到天数: 1 天

    [LV.1]初来乍到

    今日最高分:0

    今日排行:未上榜

    发表于 2018-1-17 01:12:18 来自手机 | 显示全部楼层
    即时新闻 - 【年紀大?】自爆呷李榮浩醋 陳奕迅為谷德昭流下男兒淚

    [转帖自明报]
    (16:03) 2018/1/16

    陳奕迅(Eason)昨晚聯同導演谷德昭出席電影《臥底巨星》首映禮,Eason自爆曾為谷德昭流下男兒淚,稱拍攝期間有2星期要離開劇組參與內地節目《中國新歌星》,回來卻發覺導演已不愛他而扭計,「其實是呷醋,見導演愛李榮浩多過我,不知為何自己做什麼都吃力不討好,要拉導演到一旁講,一路講一路喊,從未試過,其實好瘀,不是女仔才會這樣,可能年紀大了,個人比較感性一點。」谷德昭解釋只因見李榮浩是新人才給予多點信心,只是Eason諗埋一邊,還即場在台上惜番Eason一啖,氹得Eason開心不已。

    本帖子中包含更多资源

    您需要 登录 才可以下载或查看,没有帐号?主站注册

    x

    TA在排行榜Top1000

    积分:暂未上榜

    发帖:NO. 355

    在线:NO. 161

  • TA的每日心情
    开心
    2019-10-31 07:14
  • 签到天数: 7 天

    [LV.3]偶尔看看II

    今日最高分:0

    今日排行:未上榜

    发表于 2018-8-15 17:55:05 | 显示全部楼层
    电影确实是不咋地
    您需要登录后才可以回帖 登录 | 主站注册

    本版积分规则

    技术支持: 才子  X3.4© 2013-2023 神經研究所

    小黑屋|手机版|Archiver|神經研究所 ( 粤ICP备13074137 )

    GMT+8, 2024-3-29 18:29 , Processed in 0.281250 second(s), 42 queries .

    快速回复 返回顶部 返回列表