请选择 进入手机版 | 继续访问电脑版

QQ登录

只需一步,快速开始

微信登录

扫一扫,访问微社区

查看: 328|回复: 8

【新闻】Eason減磅望腮骨重現 自爆將前往俄羅斯觀看世界盃

[复制链接]
E
  • TA的每日心情
    开心
    7 小时前
  • 签到天数: 177 天

    [LV.7]常住居民III

    发表于 2018-6-12 18:11:23 | 显示全部楼层 |阅读模式
    本帖最后由 1351549333@qq.com 于 2018-6-12 18:19 编辑

    即时新闻——肚腩仔消失!陳奕迅的起心肝做Gym護關節

    歌手陳奕迅(Eason)以一身全黑造型在旺角出席運動品牌活動,吸引大批Fans圍觀,見到Eason更歡呼聲四起。明顯消瘦的Eason「肚腩仔」不翼而飛,仲興起表演花式足球,心情勁靚!活動期間,Eason興奮自爆將出發前往世界盃賽事主場俄羅斯觀賽,又指自己有再踢番足球,不再守龍門:「所以要Fit啲,如果追唔到個波都過意唔去,但追得太盡又驚拗柴,自己都鍾意頂頭鎚,因為鍾意施丹。」
    赴俄羅斯睇波
    Eason一見記者就滔滔不絕,講到即將起行去俄羅斯,他興奮指未去過當地、又未去過現場睇世界盃:「最近都係去過黑龍江哈爾濱。」Eason預計主要留守莫斯科,會觀看開幕禮及兩至三場賽事,不過他就大呻擔心唔知去到食咩好:「羅宋湯應該唔係特別好飲,好簡單橙色咁,會去食魚子醬,都幾出名。」他續指旅程中會有一日休息時間,亦會化身遊客去觀光、參觀紅場。
    想腮骨位重現
    講到身形變弗,Eason沾沾自喜話依家食少咗,都有打羽毛球同網球,但主要每星期做一至兩次Gym,每次個半鐘,仲搞笑話自己惰性嚴重:「成40幾年都冇做過(Gym),今年開始覺得啲肌肉⋯企係到睇演唱會都覺得好『怨』,醫生話啲肌肉唔夠強,就會卸晒啲力落關節位,做運動好,呼吸都順啲!」Eason又話另一的起心肝Keep弗原因是想腮骨位重現:「條頸太粗,係水腫,好掛住呢個位(腮骨位),係時候要搵返。」問瘦咗幾多磅?他表示沒有刻意去留意,暫時做咗一個月Gym。老婆徐濠縈有讚?Eason打趣話:「佢嘅讚賞就係睇你哋(記者)覺得我有冇瘦。」
    想做消眼袋微調
    Eason講到做運動可以令自己更精神時,就自爆曾經想過做消眼袋微調,上鏡可以精神啲,不過最後都打消念頭:「真係接受唔到唔係發生意外受傷而做手術呢個Concept,自己崇尚自然,同埋都驚驚哋有後遺症,驚萬一失手點呢?」期間Eason不忘發揮搞笑本色話:「可能我啲面部脂肪特別發達,做完生番出嚟就唔抵呀!」

    Eason自爆曾經想做消眼袋微調,最後打消念頭。

    Eason自爆最近的起心肝做Gym Keep弗。

    Eason話想減到見番腮骨位呀!

    Eason即場表演花式足球。

    Eason出席運動品牌活動。

    本帖子中包含更多资源

    您需要 登录 才可以下载或查看,没有帐号?主站注册

    x
    E
  • TA的每日心情
    开心
    7 小时前
  • 签到天数: 177 天

    [LV.7]常住居民III

     楼主| 发表于 2018-6-12 18:13:14 | 显示全部楼层
    即时新闻——Eason減磅望腮骨重現 曾想做去眼袋手術


    陳奕迅(Eason)以代言人身份出席運動品牌宣傳活動,他將於世界盃開幕期間飛去俄羅斯,亦是他首次現場觀看世界盃賽事,由於這次是工作關係,所以沒有帶家人同行。Eason表示在當地有1天休息時間,首次到俄羅斯的他到了紅場觀光,又說事前最擔心俄羅斯的食物口味。

    Eason近排終於操練減磅,他謂個多月前開始走入健身室做運動,笑稱40年來從未走過入健身室,因自己是懶惰的人,而且惰性很重;Eason現在每周走進健身室兩次,每次做個半小時運動。問他為何會肯運動?他說主要是因為覺得自己的頸太粗、水腫,又想腮骨位重現。身形消瘦了的Eason不知道體重多少,感覺到運動後精神好。

    他又曾想過做去除眼袋手術,因為上鏡會更好,只要消失一星期便可以。可是Eason又打消念頭,表示接受不了非受傷或發生意外而走去做手術,內心崇尚自然,另方面又驚手術失敗,他笑指:「可能我面部脂肪特別發達,完成手術後兩天後便再次生出來,那便很不值。」

    本帖子中包含更多资源

    您需要 登录 才可以下载或查看,没有帐号?主站注册

    x
    E
  • TA的每日心情
    开心
    7 小时前
  • 签到天数: 177 天

    [LV.7]常住居民III

     楼主| 发表于 2018-6-12 18:16:01 | 显示全部楼层
    即时新闻——【狀態回勇】為健康走去做健身 陳奕迅:諗過做手術去眼袋


    陳奕迅(Eason)今日以代言人身份現身旺角,為世界盃活動擔任揭幕嘉賓,原來讀書嗰陣,Eason已經好鍾意踢波,佢仲因為身型高大,最初係負責守龍門,之後轉為進攻球員,最愛頂頭搥!不過Eason笑言近年體力不足,有時追波會出現拗柴情況。

    後日係世界盃開鑼, Eason話最希望梗係愛隊德國捧杯,佢仲自爆會去俄羅斯觀睇揭幕賽,佢勁興奮話:「我第一次喺現場睇世界盃,亦都係第一次去俄羅斯,以前最近都係做巡迴去到黑龍江,我有個疑問唔知嗰度食乜。」佢仲話今次預計會睇兩至三場賽事,主要逗留莫斯科,其中有一日空閒,已經計劃做遊客遊覧紅牆。

    Eason嘅身形狀態回勇,佢話近年發現企得耐會膝頭攰,經了解後發現原來係肌肉力量唔夠,所以喺一個月前開始接觸健身:「每次做個半鐘,每星期做一至兩次,其實我好掛住自己個腮,一向都有俾人哦叫我減,但哦慣咗咪唔理,不過自己都覺得好多疾病都係管道塞引起,o依家做完健身流多汗好舒服。」

    Eason仲自爆早前曾經有諗過去做手術去眼袋,不過諗深一層,做手術始終有風險,加上本身純尚自然,所以決定以運動排汗,佢笑笑口話:「我有諗過唔知會唔會自己脂肪強勁,如果做咗手術兩日後,眼袋出返嚟咪好唔抵!」

    Eason嘅身型比以前fit咗!(蘋果日報)

    Eason細細個已經好鍾意踢波。(蘋果日報)

    Eason好期待去俄羅斯睇波!(蘋果日報)

    本帖子中包含更多资源

    您需要 登录 才可以下载或查看,没有帐号?主站注册

    x
    E
  • TA的每日心情
    开心
    7 小时前
  • 签到天数: 177 天

    [LV.7]常住居民III

     楼主| 发表于 2018-6-14 08:55:17 | 显示全部楼层
    即時新聞――【40年無做Gym】的起心肝做運動 陳奕迅自覺身體響警號

    【今日直擊】陳奕迅(Eason)今日以品牌代言人身分出席世界盃活動,與粉絲大談波經,並欣賞有「旺角美斯」之稱的花式足球員施寶盛表演。熱愛足球並捧德國的Eason稱從未試過在現場欣賞世界盃,亦未去過俄羅斯,不過日內會前往俄羅斯睇2、3場球賽及趁機觀光,「心情很興奮,但有個疑問,不知俄羅斯食什麼,我在港食過一次話是正宗俄羅斯餐,不知真正俄羅斯餐的味道又是如何,只知俄羅斯人鍾意飲烈酒和魚子醬好出名。」

    明顯消瘦了的Eason透露1個月前找來私人教練教健身,1星期健身1、2次,每次做個半小時,「我惰性強,40年無做Gym,之前不停被人『哦』叫減肥,現在終於的起心肝,因為身體響起警號,感覺肌肉無力外,還覺得自己條頸太粗,又有水腫。」他強調做運動非為減磅,是希望樣子看上去更加精神,不想做激光去眼袋。

    Eason強調做運動非為減磅,希望樣子看上去更加精神。(孫華中攝)

    Eason明顯清減,動作靈活不少。(孫華中攝)

    本帖子中包含更多资源

    您需要 登录 才可以下载或查看,没有帐号?主站注册

    x
  • TA的每日心情
    开心
    2018-8-17 23:45
  • 签到天数: 4 天

    [LV.2]偶尔看看I

    发表于 2018-8-8 20:20:15 | 显示全部楼层
    瘦了的Eason更好看了
  • TA的每日心情
    擦汗
    4 小时前
  • 签到天数: 65 天

    [LV.6]常住居民II

    发表于 2018-8-14 10:00:18 | 显示全部楼层
    Eason都减肥了
    你还不减
  • TA的每日心情
    慵懒
    2018-8-15 09:54
  • 签到天数: 5 天

    [LV.2]偶尔看看I

    发表于 2018-8-15 17:53:03 | 显示全部楼层
    陈奕迅帅炸
    您需要登录后才可以回帖 登录 | 主站注册

    本版积分规则

    技术支持: 才子  X3.4© 2013-2017 神經研究所論壇

    小黑屋|手机版|Archiver|神經研究所論壇 ( 粤ICP备13074137 )

    JS of wanmeiff.com and vcpic.com Please keep this copyright information, respect of, thank you!JS of wanmeiff.com and vcpic.com Please keep this copyright information, respect of, thank you!

    GMT+8, 2018-10-23 14:32 , Processed in 0.265201 second(s), 40 queries .

    快速回复 返回顶部 返回列表