【新聞】陳奕迅發ig賀泳隊亞運奪銀 歐鎧淳爆喊：OMG！

E

香港游泳隊尋日喺雅加達亞運傳嚟好消息，歐鎧淳、楊珍美、陳健樂同鄭莉梅喺女子4x100米混合泳接力賽勇奪銀牌，係香港游泳隊24年嚟首次喺亞運會破銅，認真可喜可賀！不過呢個銀牌得來不易，過程相當戲劇性，因為港隊原本係第四名掂池，但後來大會判罰中國及南韓「接棒偷步」犯規，被取消資格，香港隊即升上亞軍取得銀牌！歐鎧淳同隊友即場激動到相擁「爆喊」，表現得難以置信。

歌手陳奕迅都有關注港隊喺亞運會嘅成績，佢今日就喺社交網上載歐鎧淳、楊珍美、陳健樂同鄭莉梅相擁慶祝嘅相，相上有「24年來最佳成績」嘅字眼，仲留咗四個放彩帶嘅表情符號，恭喜港隊咁好成績。而好多網民都留言大撐港隊:「是好的開始，佳績接踵而來，香港運動員加油!」仲有網民話係「香港人的驕傲」！歐鎧淳見到陳奕迅咁支持佢哋，即刻留言「Omg….！！Thank you thank you！」仲加咗個爆喊同香港區旗嘅表情符號添。睇嚟歐鎧淳都仲未平復銀牌失而復得嘅心情，依然好激動呀！

给我一杯温开水

{:4_98:}{:4_98:}

小胖

{:4_98:}{:4_98:}

奕本迅青

{:4_101:}{:4_101:}