【新闻】唔講内地騷酬勞陳奕迅自喻海鮮價

E · 发表于 2018-10-4 22:22:37

【即時新聞】——唔講内地騷酬勞　陳奕迅自喻海鮮價

「吹神」陳奕迅（Eason）到尖沙咀出席活動，吸引約500人圍觀，場面墟冚。心情大靚的Eason不停Chok甫，他表示表示對上一次來尖沙咀已是10年前的事，又謂剛才在酒店望到對面海很靚，很期待3星期後在中環海濱開騷，可以望住海景。

封口唔講酬勞

講到內地頒令明星拍綜藝節目總酬金不得超過一千萬人民幣，問他應該不止這個價？Eason即笑言：「你點知我唔止？多謝誇獎，要問經理人先知，總之係合理嘅，其實藝人價格落差好大，係海鮮價。」記者打趣指他是貴價海鮮，他即說：「多謝你哋對我有信心，但我唔要龍躉呀！東星斑都好啲，不過好彩我呢廿幾年唔算好多事幹，藝人形象會影響價錢。」講到傳他做內地歌唱節目有2,300萬酬勞？他繼續避談：「太誇獎，我唔係好知，總之會做好啲。（依家會唔會其他工作做多啲？）其實我咩都做，嚟緊都會開騷同出碟。」

冇授權搞展覽

講到日前Eason發聲明表示未授權一個實驗展館搞展覽，對此他表示：「交畀公司處理，我唔知、冇跟進，但覺得任何人用藝人名或商品名，而對方係唔知，冇問過授權就要了解吓，但我唔係好識侵權係點。用咗人哋個名舉辦展覽，無論係好意定唔好，都應該問吓，而經理人係我唯一授權人。」

時間觀念差

另外，講到他在台上自嘲時間觀念出名差，他笑言當年第一次參加頒獎禮時，身為一個還未出碟的新人已經遲到兩小時，幸好只得司機知，但他笑言現在愈來愈準時，甚至會早到。

Eason封口唔講内地酬勞，仲將酬勞比喻為海鮮價，好玄喎！

官仔骨骨。

E · 发表于 2018-10-4 22:25:46

即时新闻——【大陸限藝人酬勞】Eason傳收三千萬要回水？「實際幾多我都唔知」

陳奕迅（Eason）今日西裝骨骨去到尖沙嘴出席鐘錶活動，適逢大陸黄金周假期，商場擠滿遊客一睹Eason風采。在酒店房等候活動開始前，Eason隔住維港望見月底於中環舉行演唱會埸地，腦海中即幻想三個星期後開騷畫面。

日前其官網發聲明指有活動未經授權使用其名義舉行活動，Eason話：「呢啲我交俾公司處理，自己冇跟進，但如果任何人未經授權使用藝人嘅名義，不論係做慈善定係其他用途，都係要問一問，而我經理人係我唯一授權方。」

至於大陸規定藝人一季綜藝節目酬勞最多只能收一千萬人民幣，講到佢酬勞唔只千萬，Eason笑稱：「你點知我唔只？多謝誇獎，實際幾多我都唔知。」佢話藝人身價係海鮮價，差落會好大。大家笑佢係「貴價海鮮」時，佢笑笑口話：「唔要係龍躉，做東星斑都好。」又補充謂藝人嘅公眾形象，係直接影響身價。

談到之前有報道指Eason以三千萬人民幣接節目，佢又謙稱數字只係誇獎。咁嚟緊會否減少接大陸綜藝節目工作？「我乜都做，不過今年盡量放時間喺碟，同埋嚟緊月底嘅騷，嚟緊11月都有新搞作遲啲會公佈。」