【新聞】抱DUO齊人相大合照 陳奕迅多謝盧凱彤

E

陳奕迅（Eason）今晚舉行《LOVE is LIVE》音樂會，他再次呼籲好友謝霆鋒不要跟他爭奪2019年的紅館跨年檔期。Eason說︰「我是歌手，他也是，卻偏向煮食，無謂搞騷這麼大壓力﹗謝霆鋒是幾靚仔，但他太乾了，我比較濕潤﹗」

音樂會尾聲，Eason逐一答謝DUO的樂手，包括已故的盧凱彤。他說︰「今晚有很多聲音是她一早錄好的，其實她有參與每首歌，多謝她！」完場時，Eason與樂隊成員齊齊企在台邊跟觀眾大合照，Eason手中抱住一張DUO剛成立時的舊合照，盧凱彤也在照片中。
由於歌迷不斷叫安歌，Eason再次出場，送上最後一首歌《幸福摩天輪》。

E

陳奕迅慈善演唱會網上有直播 逾百人外圍睇免費騷

陳奕迅（Eason）晚上在中環海濱摩天輪下開騷，捧場嘉賓包括余德丞、女飛魚歐鎧淳與男友胡子彤等。由於是次演唱會為慈善表演性質，沒有公開售票，門票大部份用來接待不同慈善機構，故未有門票的市民，於下午3時就在核心外圍坐地等候欣賞免費騷；於傍晚5時許，已有過百人帶備野餐墊、食物、飲品及望遠鏡在場外等候開場，不過其實於6時開始，演唱會已在4大網上平台進行直播。

E

Eason摩天輪騷 結他鮮花獻盧凱彤

陳奕迅（Eason）昨晚在中環摩天輪下舉行免費慈善音樂會，賣力演唱贈知音，未能進場五百歌迷則集結核心外圍聽歌。Eason開騷，台上放了同是DUO團隊盧凱彤的結他，而結他前放了鮮花，以示對她的悼念。Eason更演繹了盧凱彤生前填詞的國語歌《海裡睡人》和《還不夠遠》，他演唱後掩面望天拍手致敬。
陳奕迅昨晚在中環摩天輪下的空地舉行慈善音樂會，這次音樂會並不設售票，主要招待11個慈善機構，約1,600人入場欣賞，為與眾同樂，Eason在開騷前已宣佈全程作網上免費直播。病癒的余德丞、歐鎧淳、胡子彤、林子萱、陳念慈等都有前來捧場，當然不少得Eason老婆徐濠縈、囡囡康堤、Eason爸爸陳裘大和盧凱彤的太太余靜萍都有現身支持。
Eason和The Duo Band昨日於6時15分出場，戴着黑超的Eason風騷上台後，台上放了盧凱彤（Ellen）的一支結他在台邊，前面更有一束白色鮮花，相信是悼念盧凱彤於今年8月於跑馬地墮樓逝世。其實上次黃耀明在台灣開騷，明哥同樣在台上也有預留位置給盧凱彤。
音樂會開始時，Eason行到台中間，他問台下觀眾：「大家準備好未？」全場歡呼。Eason隨即唱出《破壞王》揭開序幕，其後，他又關心「核心外圍」的歌迷，叫他們禮讓些：「大家好似去咗夢境嘅地方。」

Eason與歌迷講了一會兒後，就向大家介紹及唱出由盧凱彤作詞的國語歌《海裡睡人》。曲終後，Eason掩面再望向天拍了數次手掌，之後再唱出盧凱彤自己作曲、作詞的《還不夠遠》。當他唱完兩首盧凱彤的作品後，Eason沉默了一會，才慢慢道：「冇嘢講，不如飲啖水。」當音樂再響起，他便唱出18年廣東話新歌《漸漸》，之後唱出《黑洞》。
Eason唱完一輪慢歌之後，一首《和平飯店》再次炒熱氣氛，全場一齊打拍子，他拍手後開玩笑：「真係唔易撈！不過其實好好玩。」他茖力演出下勁流汗，並形容汗水由髮線流入眼，不知還會讓會他流淚。Eason叫「核心內圍」跟外圍鬥大聲：「我冇問過Leon（黎明），原來幾正，多謝Leon，佢係先鋒。」
Eason唱完《與你常在》後大叫：「好正！」，又拿出手機影相自拍。音樂會接近尾聲，Eason大叫好玩，當觀眾叫他開演唱會，Eason答：「我會啊，希望好似啲新聞講，謝霆鋒會讓畀我啦，我係歌手嚟㗎嘛！」Eason最後更多謝盧凱彤：「你哋唔覺，但其實今晚佢有彈，好多首歌都有佢喺度，多謝。」Eason更向場外觀眾致謝，與Duo Band一齊唱出《可一可再》，安歌時唱出《幸福摩天輪》後完場。

E

【演唱會尾聲】Eason多謝盧凱彤 樂隊成員攞舊相大合照

陳奕迅（Eason）今晚同合作多年嘅團隊Duo Band喺中環海濱開慈善音樂會，唱完歌曲《可一可再》後，Eason逐一介紹樂隊成員，期間鏡頭影向放咗花束同結他嘅位置，Eason多謝盧凱彤（Ellen）話︰「佢彈定咗好多聲，你唔覺嘅。」
之後有人提議大合照，台下有人叫佢哋背住觀眾喺台上影，就會影到大家。埋位合照時，其中一位樂隊嘅外籍成員，手持一張舊相，相中應該係Duo Band之前喺band房嘅大合照，相中相信有已故成員Ellen，影完合照之後，大家走到台前手拉手謝幕。最後打出字幕，今次合作嘅慈善機構，包括心晴行動慈善基金、思覺基金、香港青年協會、成長希望基金會等共11個慈善機構。

E

【陳奕迅免費騷】唔再係聲沙歌神 Eason帶病唱出靚聲

Eason今次慈善音樂會抱病上陣，噚日綵排已經表示過未康復，今日演出中途又講過「好想食雪糕，但唔食得，唱完先食。」一貫吹神風格，不過病咗對佢演出冇好大影響。
以往幾次開騷，都俾人詬病佢準備得唔充滿，冇養好把聲，臨場唱到聲沙走音，反而今日越唱越好。呢次演唱會於6點15分開始，原定喺8點結束，雖然Eason都算捉得緊個rundown，不過仍然講少咗一part chit-chat。

今晚演出連encore一共唱咗22首歌，當**有七首歌未出街，包括《海裡睡人》、《敬菸》、《蠢》、《瘋狂的朋友》、《Run》、《龍舌蘭》、《我們萬歲》，Eason喺演唱會入面都有講，流程同12月大碟有關。而22首歌入面，只係得《海裡睡人》同Ellen原唱嘅《還不夠遠》係國語歌，另外仲有Jun原唱嘅《Beautiful Fools》同《Run》係英文，即係話，呢次演唱會，佢一共唱咗18首廣東歌。

Rundown原定音樂會係一小時45分鐘左右，不過最尾音樂會用咗兩小時10分鐘，雖然時間較預定長，但係不論係場內或核心外圍嘅觀眾以及Eason同Duo Band都非常享受，而最尾喺中環摩天輪下唱出《幸福摩天輪》亦非常應景。


陳奕迅《L.O.V.E. is L.I.V.E.》完整Rundown
Eason and the duo band《L.O.V.E. is L.I.V.E.》Rundown
1.破壞王
2.最後的嬉皮士
3.海裡睡人
4.還不夠遠
5.漸漸
6.黑洞
7.敬蔠
8.給兒子的信
9.蠢
10.Beautiful Fools
11.瘋狂的朋友
12.猜情尋
13.Run
14.盡力呼吸
15.龍舌蘭
16.和平飯店
17.我們萬歲
18.床頭床尾
19.與你常在
20.與我常在
21.可一可再
22.幸福摩天輪

E

【陳奕迅免費騷】超過500歌迷場外聽歌 企天橋離遠影相

Eason慈善音樂會今晚喺中環海濱舉行，由於音樂會不設售票，所以真係有錢都未必有得睇。
演唱會比一般開騷時間早舉行，8點已經係大會rundown完騷時間，不過核心外圍仍然陸續**咗超過500名fans聽歌，有人帶埋膠枱布坐喺地下聽歌。亦有人走上天橋嘗試眺望演唱會舞台，不過警方拉起封鎖線，禁止途人站企天橋邊沿，以免發生意外。

E

【陳奕迅免費騷】港迷讚偶像慷慨 深圳女搭高鐵坐場外聽漏音

Eason今次為慈善開騷，雖然有好多人都未必撲到飛，但由於喺戶外開騷關係，今日好多歌迷都一早去到核心外圍霸位，希望睇唔到都可以聽到。
現場所見，圍住會場外圍嘅歌迷已經超過百人，有3、4名警察在場維持秩序，有人坐喺野餐墊、凳仔等開騷，而且更有嘢飲有嘢食，非常熱鬧。
叫人睇佢嘅髮型、就知佢鍾意咗Eason嘅JJ話，自己鍾意Eason已經好多年，由細聽佢嘅歌聽到大，問佢有冇為睇騷做準備？佢就話：「冇乜，知足常樂，所以拎個手機就得喇，就算聽唔到都可以（上網）睇吓，今次都撲唔到飛，不過就覺得Eason呢個騷好有意義，好慷慨。」至於鍾意Eason已9年時間嘅雪兒就話：「呢個就係我哋鍾意嘅陳奕迅。」
至於Pat、Kenson及Anne就表示：「今次啲核心外圍睇騷，唔辛苦亦冇辦法，就算坐地下都唔會介意，本身有聽開Eason嘅歌，亦覺得今次個騷好有意義。」問佢哋係咪想聽Eason唱《幸福摩天輪》時，佢哋就話：「全部都鍾意，乜歌都好，不過對住個摩天輪聽就應該仲好，依家買飛好難，就算有錢都買唔到。」問到Eason若演唱會以實名制賣飛，佢哋就話「絕對同意！」至於今日呢個騷，會唔會認為派得太少飛，佢哋話：「咁佢（Eason）都冇收錢，冇所謂，好過炒飛，因為炒飛呢個問題已經好多年，有錢都買唔到。」
來自深圳、喺3點已同兩個女性朋友嚟霸位嘅陳小姐就表示：「唔辛苦，有試過撲飛，不過就抽唔到我哋，今日我哋搭高鐵嚟，睇完騷就返去，覺得今次呢個演唱會係做善事，覺得好有意義。」而陳小姐仲邊講邊覺手俾Like添。

演唱會為咗遷就噪音管制，比一般演唱會早開始，Eason同the duo band約喺6點15分出場。不過喺演唱會開始之前約20分鐘，演場會場地外圍就有一名男子試圖跨過圍柵闖入，保安發現即時阻止。

E

【中環海濱開騷】500人**場外 陳奕迅多謝黎明創先河

【今晚直撃】陳奕迅（Eason）今晚在中環海濱空間舉行免費音樂會，由於現場只能容納1600人，大批未有門票的歌迷只能**在「核心外圍」位置、遠距離地欣賞偶像演出。除了場外的鐵絲網位置，附近的天橋也塞滿人，高峰期時一度有500人圍觀，警方要派員到場維持秩序。Eason在台上彈結他又吹口琴，且不時跟外圍觀眾打招呼。他說︰「我事前未問過黎明，感覺真係好正﹗多謝黎明，他是先鋒﹗」

E

嫌霆鋒太Dry　陳奕迅自爆鍾意濕啲…

歌手陳奕迅（Eason）今晚聯同The Duo Band於中環開騷，Eason表示很開心在1997年收到林建華及林夕寫給他的《與我常在》，隨即唱出《與你常在》和《與我常在》，又拿起手機自拍和影The Duo Band成員，然後表示唱多一首歌就完騷：「係呀，好快，不過好好玩、好豐富。」他表示心願是做跨年騷，笑言希望謝霆鋒不會和他爭期：「我係歌手嘛，佢都係，不過佢偏向煮嘢，冇我咁大壓力。講到好似申請咗咁，不過講吓唔使死！謝霆鋒幾靚仔，不過乾啲，我就濕啲（成頭汗），我鍾意濕啲、潤啲嘛！」
特別多謝盧凱彤

他向同事、觀眾及The Duo Band致謝，更特別多謝早前墜樓身亡、本是The Duo Band成員之一的盧凱彤（Ellen）：「你哋有冇Feel到？好多聲佢都一早彈定，唔好睇唔到就以為佢冇彈，其實每首歌都有，多謝！She's always with us！」他更多謝「核心外圍」的粉絲，強調沒忘記他們，又向場外大叫：「星期六去邊？去隔離wine & dine？大家一陣守規矩走，不過唔好太禮讓，咁會走唔到！」觀眾大表不捨，他就搞Gag說：「天下無不散之林夕（筵席），祝大家生活愉快！」後再與The Duo Band合唱《可一可再》。之後台上各人與觀眾大合照，有成員更手持The Duo Band的舊合照。
出場Encore

完騷後觀眾不斷大叫Encore，眾人再次現身，Eason說：「一定唔會由頭唱多次，雖然我唔介意，不過無謂啦。通常興奮完就好想要，好似想食兩碗飯咁，不過食到一碗半就覺得早知食一碗就算，食多個雪糕就啱啱好，依家送雪糕畀你哋，冇理由唔唱呢首。」他唱出萬眾期待的《幸福摩天輪》，又帶領觀眾揮手。最後他以飛吻答謝大家及The Duo Band，演唱會及網上直播圓滿結束。

E

粉絲迫爆中環！徐濠縈帶女現身撐Eason


歌手陳奕迅（Eason）與The Duo Band於中環摩天輪下開騷，余德丞、Gin Lee、符致逸、歐鎧淳、胡子彤、陳潔靈、余安安、郭偉亮夫婦，Eason太太徐濠縈及女兒等現身撐場。大會除了招待約1,600人進場，更免費於網上直播，而「核心外圍」亦**了不少準備睇免費騷的群眾。當中歌迷JJ及雪兒受訪，JJ笑言一看其爆炸頭就知他鍾意Eason已久，但沒有門票入場，這次準備了手機觀看直播。問Eason日後開騷會否再支持？二人都表示一定會：「今次佢開慈善騷好有意義、好慷慨，呢個係我哋鍾意佢嘅其中一個原因。」
有錢都買唔到飛
阿Pat、Anne及Kenson就認為坐地上看騷並不辛苦：「我哋唔介意坐地，不過係第一次咁睇騷。（想聽咩歌？）全部都想聽，依家對住摩天輪，如果唱《幸福摩天輪》就仲正！」他們又直言撲飛很難，多年來即使有錢也買不到飛，贊成Eason日後繼續以實名制售票，亦不介意今次只得千六張門票：「佢唔收錢嘛，好好！」而來自深圳的陳小姐與朋友則在今朝坐高鐵來港，打算看騷後坐高鐵回去：「坐『外圍』一啲都唔辛苦！我哋之前喺深圳都睇過Eason演唱會，今次佢做慈善好有意義，要畀個『叻』佢！」
另外，現場有一名男子於入口處多次想衝入場，即被保安帶離場，期間他並沒反抗。

Eason開騷獲多位藝人撐場，連老婆同阿女都有現身。

E

撐樂壇進步緊　陳奕迅搞笑自爆思緒混亂

歌手陳奕迅（Eason）與The Duo Band於中環摩天輪下唱出《漸漸》及《黑洞》後，Eason表示要冷靜一點，又指不少歌手出EP及單曲，證明廣東話樂壇正在進步，有不同類型作品：「不過我想特別啲，出大碟，咁多年來都冇乜蝕過，多謝！」他用不同語言致謝，又叫大家放下過大的Ego（自我）：「希望大家唔使遇到太大挫折先減低到，大家溝通多啲，唔好預計人哋會做啲乜。大家都一齊咁做，傳啲好嘢！」期間他一度說得混亂，就笑言因為腦內有很多事正在發生，非常搞笑！

然後他唱出象徵傳承的《敬菸》、The Duo Band成員陳詠謙原唱的《給兒子的信》及另一成員恭碩良（Jun）原唱的《Beautiful Fools》，Jun除了打鼓，更親自擔任和音。唱完後，Eason與Jun互相鞠躬示意。

唱到好high。

忍唔住跳埋舞。

Eason唱得投入，歌迷聽出耳油。

帶動全場氣氛。

E

【圓滿結束】Eason想開跨年騷

陳奕迅（Eason）同佢嘅DUO團隊，今晚六點將會喺中環摩天輪底空地舉行慈善音樂會《Eason and the duo band - L.O.V.E. is L.I.V.E.》，呢次音樂會不設售票，主要招待十一個慈善機構、約1,600人入場。為咗與眾同樂，Eason早前已經宣佈會開live。

未到5點，場外已經**唔少歌迷打算喺核心外圍欣賞Eason今晚嘅騷，除咗野餐氈櫈仔嘢飲嘢食等基本配備之外，更有人拎埋望遠鏡嚟，有見核心外圍嘅人數開始多，警方亦有派人手到場維持秩序，現場已經有大約過百人**，唔少藝人例如余德丞、歐鎧淳、胡子彤、林子萱、陳念慈等都有嚟捧場。

目前為止場外秩序大致良好，而網上直播方面，Eason嘅官方Youtube及903商業電台嘅fb專頁已經開始咗。

1815：Eason同the duo band出場，Eason問大家：「準備好未？」全場歡呼。Eason以新歌《破壞王》打頭陣，期後再唱出《最後的嬉皮士》，全場氣氛高漲。

1825：連續唱出兩首歌後，Eason同歌迷打召喚，一嚟首先關心後排歌迷聽唔聽到，之後再向前排坐喺輪椅上嘅歌迷打招呼，講到一半發現原來有歌迷喺核心外圍欣賞緊，講笑話：「出面仲有人呀！記住唔好塞住啲人就得啦，大家禮讓啲。」講返今次音樂會，Eason話其實今日嘅歌仲有七首未出街，而今日嘅流程同12月嘅大碟相關。

1829：Eason同歌迷傾完之後，向觀眾介紹及唱出由已故Duo Band成員孫偉明作曲及盧凱彤作詞嘅國語歌《海裡睡人》。曲終後，Eason掩面再望向天拍咗幾下手，再唱出盧凱彤自己作曲作詞嘅《還不夠遠》。

1836：唱完兩首盧凱彤嘅作品之後，Eason沉默半晌，之後話：「冇嘢講，不如飲啖水。」音樂響起，唱出18年廣東話新歌《漸漸》，之後唱出《黑洞》。

1845：陳奕迅唱完《黑洞》後，話自己要冷靜一下先，佢仲話聽一首歌同聽一隻大碟嘅感覺唔同，覺得廣東歌一路進步緊，佢話：「人哋做單歌，我咪做碟囉。」之後用成八、九種語言講多謝。佢話做碟嘅感覺真係好正。

1847：Eason話呢隻歌係講述一個傳承嘅故事，佢話喺依家呢個年代，大家開始有「傲慢」嘅存在，佢話希望大家都可以放低呢樣嘢，隨後唱出《敬菸》，早幾日嘅病咗嘅Eason今日狀態大勇。

1854：Eason唱出以《單車》前奏編曲嘅《給兒子的信》，呢首歌嘅原唱陳詠謙亦係Duo Band成員之一。

1900：Eason由工作人員手中拎咗支結他：「跟住落嚟呢隻歌我好鍾意，希望大家都好似呢隻歌，《蠢》。」之後開始自彈自唱。

1903：唱出Duo Band鼓手恭碩良英文作品《Beautiful Fools》及國語作品《瘋狂的朋友》，更大show口技。

1911：Eason唱出2003年經典廣東話歌《猜情尋》

1915：Eason及岑寧兒合唱英文歌《Run》，隨後Eason唱出岑寧兒嘅《盡力呼吸》

1924：Eason唱出廣東歌《龍舌蘭》及《和平飯店》

1933：Eason唱完一輪慢歌之後，一首《和平飯店》再次炒熱氣氛，更全場一齊打拍子，拍完手之後Eason仲開玩笑話：「真係唔易撈！不過其實好好玩。」講到掌，吹得嘅Eason仲分享睇相嘅經歷，被人話似「猿人」，貼心嘅Eason亦再次關心音響聲量夠唔夠，更同場內及場外觀眾玩聲浪，橋上見到已經企滿一排嘅遊人，仲問場外觀眾係咪企緊真草地，場外場內打成一片。

1938：Eason講到一半用國語打招呼，之後台下有觀眾話：「廣東話啦！呢到香港。」Eason聽到之後話：「是但啦，依家乜都要識。」仲話留返啖氣暖胃算啦，更用上一首歌《和平飯店》嘅歌詞「你住樓上樓下」勸歌迷平和啲。

1940：Eason話自己其實有冧歌，之後唱出《我們萬歲》，隨後拎起電結他自彈自唱《床頭床尾》，更獨奏一段，不過中間彈錯咗，Eason自己都苦笑。

1947：Eason：「啱啱唱咗隻碟嘅第九首歌，跟住落嚟呢兩隻歌嘅意義特別重大，因為冇咗第20隻歌，就冇第19隻歌，冇咗第19隻歌，就冇呢隻碟，所以我好多謝林夕同林健華喺97年寫咗《與我常在》畀我。」之後唱出今次主題歌《與你常在》，更叫台下觀眾一齊大叫「love」。

1954：唱完《與你常在》之後，Eason喺台上大笑：「好正！」隨後唱出改編嘅《與我常在》更喺台拎出手提影相加自拍。

1959：音樂會接近尾聲，Eason喺台上話：「好好玩，但係好快。」觀眾叫佢開演唱會，Eason喺台上話：「我會啊，希望好似啲新聞講，謝霆鋒會讓畀我啦，我係歌手嚟㗎嘛！唔係話佢唔係歌手，不過佢就偏向...吓，佢靚仔吖嘛。」Eason話本來想最尾多謝好多人，不過唔記得晒咁話，不過最尾Eason都有向幫過佢嘅人多謝。

2005：Eason喺台上多謝盧凱彤，仲話：「你哋唔覺，但其實今晚佢有彈，好多首歌都有佢喺度，多謝。」Eason更向場外觀眾致謝。最後與Duo Band一齊唱出《可一可再》。

2012：音樂會正式完結，Eason提議同觀眾一齊影一張大合照，最終Eason同Duo Band抱住有團隊合照嘅相框影相，影完之後Eason同團隊手拖手向台下九十度鞠躬。

2018：喺觀眾熱情要求下，Duo Band再次上台encore，Eason話：「肯定唔會由頭再唱過，雖然我唔介意。」之後Eason唱出非常應景嘅《幸福摩天輪》。

2024：唱完最後一首歌，陳奕迅向台下揮手：「我哋下一次再見！」

E

歌手唔易撈！陳奕迅High爆獻唱攰到彎腰

歌手陳奕迅（Eason）與The Duo Band今晚開騷，唱至《瘋狂的朋友》時，The Duo Band成員吹口琴，Eason亦興起晒口技、吹埋一份！他與The Duo Band成員岑寧兒（Yoyo）坐着合唱《Run》，又在Yoyo等和音下獨唱Yoyo原唱的《盡力呼吸》。唱到快歌《和平酒店》時，Eason High爆與和音瘋狂打拍子，唱完他攰到彎腰掂地，帶領粉絲再打一段拍子後笑言：「唔易撈！講笑，其實好好玩，硃砂掌咪硃砂掌囉！」其後他自爆有睇相，卻被指似猿人，並掀起額前頭髮說：「又斜又彎，即係好！流汗仲好，直接由髮線好似瀑布咁流落嚟，搞到啲人成日以為我喊！」
Eason問粉絲是否肚餓，自言早了吃飯，又問音響是否OK，前排、後排甚至場外超過500名觀眾都興奮地揮手回應。Eason笑言：「我冇問Leon（黎明），真係好正！佢係先鋒！佢個場好似係真草地，你哋呢？不過假嘅好啲，真嘅落雨就濕晒，假嘅去水好啲。」這時有粉絲尖叫，他就叫對方要有惻隱之心，要顧及旁人的耳膜。之後他突然表示想吃軟雪糕，指之前病了未能吃，要明天再來吃！

小六桐

good show！

carol

Good show!期待他的跨年演唱会:P