2013-01-01新闻

聼E好心情

即时新闻-陳奕迅吸金王否認年賺二億

来源：on.cc
[16:26] 2013/01/01


陳奕迅否認是吸金王。

陳奕迅在除夕夜赴長沙出席新年晚會，在工作中度過佳節的他笑言：「要搵食冇計啦！聖誕節已經放假陪家人玩啦！」最近有指他去年勁賺2億，榮登吸金藝人榜之首，他說：「我係歌手，唔係藝人。我都想有二億，答案係冇咁多。你估依家做歌手開金礦咩？我兩億紅血球就有，兩億現金就未有。稅就真係交咗好多，錢就真係冇賺到咁多。 」

聼E好心情

即时新闻-叱咤：千嬅拖Eason被笑似拖仔仔

来源：on.cc
[20:49] 2013/01/01


千嬅拖住蒙面Eason出場。

楊千嬅榮升媽媽後首次亮相頒獎禮，被叫「Torres媽咪」的她拖著以全黑Look及戴上頭套的陳奕迅（Eason）出場，司儀森美就問Eason究竟睇唔睇到嘢，森美又笑千嬅說：「好似拖住自己個仔出街咁！」

聼E好心情

即时新闻-叱咤：陳奕迅模仿阿倫唱腔跳騎呢舞

来源：on.cc
[22:37] 2013/01/01


Eason全晚勁High，又跳又唱。

陳奕迅（Eason）憑《重口味》奪得至尊歌曲大獎（第一位），以全黑笠頭裝上台的他，在台上忍不住「除罩」大講得獎感言。在獻唱得獎金曲時，他High爆大跳騎呢舞，又帶領全場起身一齊跳！可惜麥克風故障，兩度「失聲」，需要工作人員上台換咪，他執生說：「勁呀，今日第一次呀！」唱到興起時，他又聲演譚詠麟，扮演校長的唱腔，跳皮又可愛！
叱咤樂壇至尊歌曲大獎（第一位）：
《重口味》陳奕迅
作曲：Eric Kwok，Jerald
填詞：黃偉文
編曲：Eric Kwok，Jerald
監製：Eric Kwok，Jerald

聼E好心情

即時新聞-吒咤：祖兒幫Eason多謝阿徐

來源：on.cc
[23:19] 2013/01/01


祖兒第八度奪得叱咤樂壇女歌手金獎，而陳奕迅則第九度奪得叱咤樂壇男歌手金獎。


祖兒與Eason老朋友相遇，用特別的方法鼓勵對方。

樂壇天后容祖兒以大熱姿態第八度奪得叱咤樂壇女歌手金獎，而陳奕迅（Eason）則第九度奪得叱咤樂壇男歌手金獎，各封「歌王」、「歌后」。

Eason自稱多年贏獎以來都心滿已足，但自踩「口賤」：「我個人比較鍾意玩開笑，有人可能當真！」
在旁的祖兒則抵死踢爆對方：「呢幾年，佢已經收歛！」

Eason抵死地插咀，將「龍兒戀」擺上枱：「佢拍拖之後都冇見啦！Sweet嘢唔怕分享，我幫你講！」

祖兒見狀亦還擊說：「佢開始老喇，個人終於收口！我代Eason多謝阿徐（徐濠縈）。」

而祖兒本想獻唱《霧裡看花》送給「你」時，大會播錯有原聲版本，她則改唱《加大力度》。

聼E好心情

即時新聞-叱咤：陳奕迅擸走我最喜愛男歌手

來源：on.cc
[23:37] 2013/01/01


陳奕迅每次攞獎都保持興奮壯態。

陳奕迅繼續擸走叱咤樂壇我最喜愛的男歌手，High爆獻唱《非禮》時大叫：「Welcome to Hong Kong！」而C AllStar則爆冷拎走叱咤樂壇我最喜愛的組合獎。

叱樂壇我最喜愛的男歌手：陳奕迅
叱樂壇我最喜愛的女歌手：楊千嬅
叱樂壇我最喜愛的組合：C AllStar

聼E好心情

組圖：陈奕迅黑斗篷装亮相叱咤 黑布蒙头无厘头
來源：新浪

























陈奕迅斩获叱咤金曲至尊歌曲奖项。陈奕迅身穿黑色大斗篷上台领奖，更用黑布将头蒙住，尽显其鬼马无厘头一面。

粉絲 橙vicky

今天发给所有朋友的信息也是顺利顺利在顺利

蝦蝦

即時新聞 - 【叱咤頒獎禮】陳奕迅蒙頭出場
[轉貼自蘋果動新聞]
2013年01月01日 (08:39 pm) / 最後更新: 2013年01月01日 (08:54 pm)

陳奕迅去頒獎禮一向服裝勁奇怪，每次都要突破自己，好難喎，今日仲去叱咤，點算好呢？

今日你實認唔到佢，因為佢索性蒙頭出場，成塊黑布罩住個頭，由千嬅拖住佢出場，真係Eason先諗到囉！

另外，第十位叱咤十大歌曲係軟硬同草蜢嘅《山頂嘅朋友》，佢地致謝就係係咁賣廣告，話DVD就快出喎。


Eason喺邊？Eason今晚有保護色，識隱身﹗



咁出場，點知你係邊個!?



睇路呀﹗



Eason今日嘅打扮，係咪向龍小菌偷師？

蝦蝦

即時新聞 - 【叱咤頒獎禮】蒙頭Eason點出場？慢慢睇
[轉貼自蘋果動新聞]
2013年01月01日 (09:18 pm) / 最後更新: 2013年01月01日 (09:30 pm)

今日叱咤頒獎禮，陳奕迅「無面見人」，成個人黑頭套蒙頭，眼鼻都冇開孔，得個咀有，可以唱歌，但點抖氣呢？真係佢先知呀！

眼睇唔到o野，惟有等千嬅做盲公竹，拖住佢出場啦!但一陣唱歌點睇路呀？


Eason個樣真係好趣怪!



兩個黑衣人



千嬅除咗笑，都冇咩可以做啦。



拖實呀...



fing旗仔



哎呀，點行呀?



小小露腿



劉浩龍唱歌時，影到Eason拉起頭套，都話抖唔到氣架啦!



蒙面Eason終於都頂唔順，揭開面罩透嚇氣。



台下眾歌手聽Eric不斷自嘲，拍爛手掌。

蝦蝦

即時新聞 -【叱咤頒獎禮】《重口味》奪至尊歌曲大獎　Eason除套扮校長
[轉貼自蘋果動新聞]
2013年01月01日 (10:38 pm) / 最後更新: 2013年01月02日 (12:24 am)

今晚至尊歌曲大獎，即播放率最高嘅歌，就係陳奕迅嘅《重口味》，今日罩頭嘅Eason，依然戴頭套上台。

填詞嘅Wyman話填呢首歌係因為想向80年代嘅廣東歌致敬，佢話:「以前有咩好呢，有5萬銷量冇問題，唔係好似依家放上網，有萬幾hit rate就好好。近年好想返去80年代，好希望有一日將來嘅歌會歌頌番呢10年，我對香港歌手有信心。」

作曲嘅Eric Kwok話:「呢首歌要多謝Jerald，同你一齊作曲係一件好辛苦嘅事，呢首歌係由尾作番頭，我哋知道ending係點end，永遠好記得隻歌點寫，多謝Eason。」

Eason笠頭上陣，都係頂唔順，上台就除套話:「我真係頂唔順，真係唔可以亂試，從來未試過呢套衫，多謝Wyman，今年唯一一首寫嘅歌交畀我，我哋喺個竇玩得好開心，費事阻住嘟姐(鄭裕玲)訓覺。」嘟姐回應:「睇你呢身打扮都值回票價啦。」Wyman就插嘴:「你真係好重口味。」

之後Eason除套唱《重口味》，不過唔知佢傻咗定支咪傻咗，一度甩咗幾次，之後更譚校長上身，扮校長唱歌似到爆，搞到全場起鬨！仲話﹕「一陣仲要巡迴呀，好攰呀。」


脫脫脫!



都係頂唔順，脫!



開頭都戴套上台．．．

蝦蝦

即時新聞 -【叱咤頒獎禮】密封Eason　焗到頂唔順
[轉貼自蘋果動新聞]
2013年01月01日 (10:38 pm)

Eason今日呢個蒙面look令人笑爆肚，佢自己都話﹕「唔好搞咁多嘢喇，正正經經做人啦。」又笑謂最初以為自己頂得順，可以唱到歌。但結果一上台唱歌就要除套，焗到成頭汗呀陰公。


張敬軒都要「集郵」…



除喇除喇﹗



嘟嘟笑到收唔到聲。

蝦蝦

即時新聞 -【叱咤頒獎禮】祖兒第8度摘女歌手金獎 (與臣相關)
[轉貼自蘋果動新聞]
2013年01月01日 (11:06 pm) / 最後更新: 2013年01月01日 (11:38 pm)

容祖兒摘女歌手金獎，今次已經係佢第8次得呢個獎。Joey特別感謝Mani霍汶希，話大家一齊經歷過咁多爭執，每次都增進感情同學多咗同人相處技巧，如何做得更好。

司儀森美問Joey有冇sweet sweet嘢要講時，佢就好醒咁話﹕「我代Eason多謝阿徐(徐濠縈)。」之後Joey唱《霧裡看花》時，播錯咗MMM，出埋條唱歌聲。Joey話﹕「我想唱歌，可唔可以呀﹗」之後音樂突然停頓，Joey笑笑口話﹕「當冇事發生過﹗」森美即抵死地話﹕「咁你落番台先，我再頒個獎俾你，因為我都唔知要搞幾耐。」之後Joey改為唱快歌《加大力度》。


同老友陳奕迅一齊拎金獎，互相挖苦取笑一番。

蝦蝦

即時新聞 -【叱咤頒獎禮】Eason奪叱咤男金　同祖兒互寸
[轉貼自蘋果動新聞]
2013年01月01日 (11:10 pm) / 最後更新: 2013年01月02日 (12:22 am)

叱咤男歌手金獎毫無驚喜由Eason奪得，因為903問佢哋拎咗咁多獎，唔知佢哋記唔記得第一次奪獎嘅感受，Eason上台話:「原來我好耐冇咁望住個獎，多謝903，由我出道...96年度，當時拎新人獎，新力軍銀獎，著錯曬衫，好似今日咁(台下爆笑)，著咗件好多人著過嘅衫。」

Eason話當時同鄭中基食熱狗畀記者影到話:「當時冇咁大壓力，銀獎唔洗唱歌，我拎左8次？我個人係冇乜嘢，只係把口比較賤(台下又笑)，但有時人哋都當真o架。」此時Joey插嘴:「係呀﹗」Eason話:「我望咗你啦」Joey話: 「我呢幾年都好支持你，我有冇講錯啲咩嘢呀﹗」

Eason即寸佢:「拍咗拖之後都好啲啦，都冇見過，因為..幾sweet丫，我幫你講。」Joey:「係你開始老，開始收口。」

其後Eason再話: 「我身邊嘅人，成日叫我唔使多謝嘅，陳家瑛小姐、歌迷(粉絲起鬨)，出嚟個班(歌迷)通常鬼殺咁嘈，『岩岩慚慚』咁嘅...多謝你哋仍然肯出嚟，仲有好有型個班...淨係買隻碟個啲...佢哋死都要出嚟。」


祖兒同Eason上台互寸

蝦蝦

即時新聞 -【叱咤頒獎禮】陳奕迅奪最喜愛男歌手
[轉貼自蘋果動新聞]
2013年01月01日 (11:40 pm) / 最後更新: 2013年01月02日 (12:26 pm)

至於「我最喜愛男歌手」，再次都係由Eason奪得，佢話:「多謝，好開心，可以喺俞琤手上拎呢個獎，多謝投票嘅朋友。今年我最想多謝，除咗唱片公司，係Eric kwok，Jerald Chan，兩個好肯一齊玩，由我隻腳做手術，錄音到出碟係我好珍而重之嘅一件事」

Eason繼續:「仲要多謝小克..林寶...Wyman...陳詠謙...大件事啦....提一提我得唔得呀?呀!林若寧!可以俾我過足癮，亦都繼續努力，全年都喺度聽My little aiport，佢哋好能代表當下嘅香港，多謝你哋。」之後唱出歌曲《非禮》。


Eason再次奪得我最喜愛男歌手。(電視畫面)

蝦蝦

即時新聞 -【叱咤頒獎禮】陳奕迅奪最喜愛男歌手
[轉貼自蘋果動新聞]
2013年01月01日 (11:40 pm) / 最後更新: 2013年01月02日 (12:26 pm)

至於「我最喜愛男歌手」，再次都係由Eason奪得，佢話:「多謝，好開心，可以喺俞琤手上拎呢個獎，多謝投票嘅朋友。今年我最想多謝，除咗唱片公司，係Eric kwok，Jerald Chan，兩個好肯一齊玩，由我隻腳做手術，錄音到出碟係我好珍而重之嘅一件事」

Eason繼續:「仲要多謝小克..林寶...Wyman...陳詠謙...大件事啦....提一提我得唔得呀?呀!林若寧!可以俾我過足癮，亦都繼續努力，全年都喺度聽My little aiport，佢哋好能代表當下嘅香港，多謝你哋。」之後唱出歌曲《非禮》。


Eason再次奪得我最喜愛男歌手。(電視畫面)