2013-01-07新聞

蝦蝦 · 发表于 2013-1-7 11:04:31

都是那些年：仙杜拉笑聲救地球 (與臣相關)
[轉貼自蘋果日報]

鬼馬歌後仙杜拉當年憑《啼笑姻緣》一曲成名，她的人生哲理跟歌名一樣，一字記之曰笑，曾患乳癌要切除左乳房保命的她，從沒想過要停下唱歌腳步歇息，她覺得上天給她任務，就是以歌聲帶給人歡笑，別人就算忘記她叫仙杜拉，但見到她就會叫：阿笑！

憑《啼笑姻緣》掀起廣東歌兼電視劇主題曲熱潮的仙杜拉，早期與阿美娜合組筷子姊妹花，專唱英文歌，估不到一個滿口ABC的「鬼婆」，竟然唱廣東歌一曲成名，她說：「真係好多謝煇哥（顧嘉煇）同霑叔（黃霑），佢哋仲畀我唱好多廣告歌，好似兩個夠曬數、V老篤眼藥水，霑叔教我咬字，佢心地好好，嗰時我將《鳳閣恩仇未了情》整咗個國際版，因為粵曲好難唱，打電話問佢，兩個月後佢就走咗，我珍惜到而家，好多謝佢。」

拒絕應酬埋堆

於01年患乳癌的仙杜拉，那時當機立斷切除左乳房保命，經歷過生死一線的仙杜拉，並沒有停下腳步休息，依然熱愛唱歌，她說：「除非我唱唔到，天主叫我休息，我就會聽話，唔唱歌我會唔開心，一停就會病，我覺得上天畀我咁好恩寵，天主畀我咁好任務，係帶畀人歡笑，我點解要收埋呢？使命我係有，我又做得到，所以我覺得好幸福，喺街啲人唔記得我叫乜名，會叫我做阿笑，之後就醒起我叫仙杜拉，哈哈哈！唔緊要，都係一個稱呼啫，最緊要唔好唔記得笑。」

入行多年，仙杜拉甜酸苦辣都嚐過，不開心的事她不會記住，她說：「或者我係比較唔理嘢嘅人，可以話入錯行，因為我唔鍾意應酬、埋堆、擦鞋，覺得好浪費時間，我係賣唱，唔係賣第二樣嘢。」難道在娛樂圈生存真的要犧牲色相？她說：「冇，即係咁樣，啲人問我點解唔埋堆？我覺得人各有志，開心自己找，煩惱自己尋。」

仙杜拉沒後悔入行，她覺得既然天父賜與一把靚聲，觀眾又接受她，每次站上台唱歌，她都好興奮，早前她返港為顧嘉煇演唱會做嘉賓，還被製作人丘亞葵成功遊說，將於今年在文化中心開處女騷，她說：「我未喺香港開過個人演唱會，之前好多人搵我做，但自己好揀擇，我覺得唱咗幾十年，一定要好先做，唔好就唔做，依家心情好興奮，一啲都唔緊張。」

做人只向前看

年齡是女人的秘密，仙杜拉不肯透露年齡，連維基都沒資料，出道數十年的她，依然將頭髮染成金色，眼鏡戴紅色，她說：「我一直好前衞，只諗明日唔諗昨日，又唔記仇，因為記仇好笨，做人最緊要向前看同珍惜每秒每分，人哋話今日唔知明日事，我話假嘅，一陣唔知一陣事。」雖然年紀唔細，難得她身形保持得很好，仙杜拉鬼馬說：「唔係keep，我瘦好易，激一激就瘦，我住嗰度上層花槽漏水，應該兩個禮拜乜都整曬，點知整咗四個半月，嬲到成個人瘦八磅，依家整番好，可以增肥。」

移民加拿大18年的她，很享受當地的休閒生活，空氣又好，故沒想過回流香港，她說：「嗰度地方大，一日好快過，出街開車已經冇咗一日。」不過，早前返港做騷重遇張學友、陳奕迅、黃耀明，令她好開心：「佢哋好好，好親切，喺觀眾席又見到馮寶寶，當年佢拍《風雲》，我唱主題曲，咁啱我唱到一半握手見到佢，佢又唱番幾句，真係夾都夾唔到。」

蝦蝦 · 发表于 2013-1-7 11:07:50

陳奕迅愁爆揾阿媽訴苦
[轉貼自on.cc - 東方日報]

徐濠縈早前捲入「飯局事件」，老公陳奕迅一直力撐到底，表面上陳奕迅看似未有受事件影響，仍然笑騎騎，不過，日前他被發現在街頭向母親訴苦，護送媽媽返家後，又頭耷耷發呆。

早前爆出的「飯局事件」，牽涉多位藝人在內，引起滿城風雨，陳奕迅太太徐濠縈亦捲入其中。被事件困擾多時的陳奕迅一直力撐老婆，不時陪伴太太左右分憂，力證夫婦關係良好，感情有增無減。早前陳奕迅忙於巡迴演唱會，表面上看似沒有因事件而影響心情，依然落力演出，但日前就發現他打開心窗向母親訴苦！

皺曬眉頭

當日晚上11時半，陳奕迅與母親在跑馬地食飯，卻未見老婆徐濠縈及女兒康堤，兩母子步出餐廳後，便在街頭漫步，邊行邊傾，講到愁眉深鎖的陳奕迅更突然激動捉住阿媽手臂，而其母亦聽到皺曬眉頭。過往陳奕迅都以笑面迎人，鏡頭前經常笑騎騎，表現鬼馬，但面對住母親，天王終於要坦白吐心聲。

街頭發呆

雖然當時街頭昏暗，仍有不少途人認出陳奕迅，但他卻未有理會，繼續向媽媽訴苦，行至附近一幢大廈，陳奕迅單手攬住媽媽，再護送她上樓。約15分鐘後，陳奕迅頭耷耷的步出該大廈，依然若有所思，挨住欄杆在發呆等的士返歸。

乸口乸面

攬腰氹阿媽

徐濠縈早前捲入「飯局事件」而召開記者會。

陳奕迅挨着欄杆，發呆等的士。

蝦蝦 · 发表于 2013-1-7 11:10:48

本帖最后由与臣同行于 2013-1-7 08:58 编辑

Eason一支公搵阿媽訴苦
[轉貼自on.cc - 太陽報]

早前忙於巡迴演唱會的陳奕迅（Eason），日前做孝順仔陪母親到跑馬地晚膳，但未見捲入「飯局事件」的老婆徐濠縈及女兒康堤。晚上11時半，Eason與媽媽醫肚後離開並在附近散步，兩母子邊行邊傾，期間見他不時輕扶母親手臂，但向來笑面迎人的他竟然一反常態，全程乸口乸面跟母親訴苦，而陳母亦聽到皺眉頭。

雖然當時街燈昏暗，但仍有不少途人認出Eason並眼望望，但他未有理會，繼續跟母親傾偈。行至附近一幢大廈，Eason再輕攬母親肩膊，護送她上樓後獨自頭耷耷離開，挨着欄杆等的士返家。

Eason邊行邊與母親傾偈，但全程「苦瓜乾」咁嘅樣。