本帖最后由 ckl62@hotmail.com 于 2013-4-16 05:29 编辑
給Eason ; Katie Chan production工作人員 及 ECJ(HK) 工作人員的信: 我由1999年 幸福摩天輪開始聽Eason 既歌,之後開始慢慢欣賞佢既每一首歌曲,佢出既每一隻新碟我都買,好可惜因為唔係香港既關係每次都睇唔到live. 到2007年返左香港, 由Moving on 開始終於每一次既演唱會都可以睇欣賞到Eason 既現場演出, 而每一次都想追尾場, 但係只可惜敵唔過排隊黨同黃牛要捱貴飛. (除左feel free feel music 個次有幸係歌迷會排到尾場) 今次Eason ‘s life 一見主辦方出左最後加場既海報, 已經即刻之前個日中午4點同一班Eason 既死忠Fans去輪更排隊, 同排隊黨討價還價後終於知道我地排第8。 初初我地幾個都滿心歡喜好樂觀認為一定睇到尾場,點知睇到個坐位表個陣個心一沉,只得兩成飛拎出黎買同每人可以買十張! 我地仍然包住一絲希望點知排到我地個陣尾場已經賣哂, 而1/8 亦只係得返唔連位, 而當時時間只係10:06分!!!! 我好明白有時演唱會當中涉合好多商業决定, 要留返飛俾A,B,C,D,E sponsor 之餘仲要留飛俾內部俾歌迷會。 但係我都好希望主辦方都可以照顧到一班追尾場既死忠Fans, 可以盡量再安排多D飛俾fans, 就算唔得既每人限購6張甚至4張呀! 雖然場演唱會或者會再耐D先爆, 但係起碼大部份真心fans都睇到呀。我可以好肯定講今日公售尾場個2000 張飛有1600 都係落入黃牛手中,而絕大部份票站既頭幾個人都一定係排隊黨! 最後我想講我唔係想鬧Katie Chan production或者求 ECJ排尾場飛比我, 我係想表達一個死忠Fans既諗法, 我唔想2/8最尾入場既係一大班拎sponsor飛或者買貴價黃牛既fans, 我想當晚全部入場既都係死忠fans, 真心欣賞eason既人。好希望經理人公司可以係往後演唱會公售時再做得更好, 我唔介意再排多幾次街, 我只希望我付出時可以得到回報, 唔係再帶黎多一次既失望。 一名Eason小薯頭死忠Fans上 P.S我想多謝Maki, Jack同Bon呀!!!!!! 辛苦你地啦, 一齊排左咁耐咩都冇……………. |