|
楼主 |
发表于 2013-4-28 16:56:38
|
显示全部楼层
本帖最后由 与臣同行 于 2013-4-28 13:55 编辑
Eason袋千萬罵不還口
[轉貼自on.cc - 太陽報]
Video Link:
http://the-sun.on.cc/cnt/entertainment/20130428/00470_001.html
近年不少港星均爭相北上「掘金」,天王陳奕迅(Eason)亦不甘後人!有傳他以1,000萬人民幣參與內地音樂節目。雖然節目被狠批,但他卻罵不還口,更「擦鞋」指對參賽者很有感情!如此賣口乖未知是否擔心得罪觀眾而自斷米路呢?
內地電視台近年大灑金錢,紛紛重金禮聘港星做節目,不少紅星如容祖兒、蔡卓妍(阿Sa)及張栢芝都轉移陣地北上吸金,連「影后」楊千嬅去年底產後復出亦急急北上做歌唱節目!內地的電視節目酬勞既高又可帶挈入屋吸家庭觀眾,對港星甚具吸引力!Eason當然唔執輸,傳以1,000萬人民幣(約1,250萬港元)擔任內地音樂節目《中國最強音》評委導師,他昨日出席器官捐贈活動,談到其參與的《中國最強音》備受批評,Eason即開口力撐:「大家畀啲時間接受新事物,可能大家鍾意比較啦!」他除為節目「護航」外,更一改平日「口沒遮欄」的作風,擺明想保住飯碗!至於被批在節目中只懂說:「NO!NO!NO!」他笑說:「我覺得自己就嚟好似成龍咁,好易畀人誤會,不如以後唔接受訪問,唔使煩。」
「冇理由搵多過成龍」
他又坦言對節目的參賽者已甚具「感情」:「尋日(前日)已經錄第6集,同參賽者建立咗感情,但又去到篩人階段,所以近排情緒有啲起伏。」其後又說:「當初有考慮接唔接,因為7月開演唱會,驚Handle唔到,但又怕只做演唱會太專注,做呢個節目分吓心都好。」
早前公的「福布斯名人榜」,Eason由去年的第12位躍升至第6位,他說:「咁咪好驚?扮唔知啫!其實知嘅,我有睇過個標題,不過我冇理由搵錢會多過成龍!」此外,在活動中他自爆在英國留學時已簽署器官捐贈卡,但在香港則沒簽,並現場簽署,他還搞笑地問:「聲帶捐唔捐得?我好極端,捐得都會捐晒!」
阿Sa冇退出堅持跳水
另一邊廂,經常返內地吸金的阿Sa,有傳跟內地女星黃聖依雙雙退出內地跳水節目《中國星跳躍》,黃聖依自爆跟阿Sa因傷患退選,令同場的阿Sa即時「O嘴」!記者聯絡阿Sa經理人霍汶希,她急急代為澄清:「冇退賽,阿Sa會堅持到底,就算被淘汰咗,都想返嚟幫其他隊友打氣。」問到是否感到黃聖依借阿Sa做宣傳?霍汶希沒有回應,但替對方打圓場說:「相信佢(黃聖依)嘅意思係最後一次比賽。」而黃聖依經理人則在截稿前未有回覆。
Eason為內地節目護航,真係識撈。
Eason與祖兒及一班小朋友呼籲捐贈器官。 |
本帖子中包含更多资源
您需要 登录 才可以下载或查看,没有帐号?主站注册
x
|