2013-05-26新聞

蝦蝦

李亞鵬酒吧開幕滿場飛 (與臣相關)
[轉貼自on.cc - 東方日報]

王菲老公李亞鵬前晚現身雲南麗江，出席與老婆一齊投資的酒吧開幕禮，他全晚滿場飛款待賓客，不斷合照之餘，更走上台和獻唱的歌手搞氣氛。心情大靚的他亦飲多幾杯，全晚high爆。稍稍開心完一晚，李亞鵬風塵僕僕陪王菲來港，為二人發起的「嫣然天使基金會」明晚成立周年晚宴作準備。多位圈中好友包括劉嘉玲、趙薇、陳奕迅等都答應出席，可謂星光熠熠。

另外，王菲昨日被網民上載在北京來港過關照，當中更見其女李嫣。不過該網友自稱是王菲粉絲，要保護小朋友的私隱，故用心形圖案遮蓋李嫣樣貌。

蝦蝦

徐濠縈揸車(火羅)爆 情急抵「瀨」
[轉貼自on.cc - 東方日報]

(火羅)事人人有，當事情發生時確實尷尬萬分，但事後回想起只係得啖笑。徐濠縈自爆(火羅)事，提起都瘀死，她在車上肚痛，未能及時上洗手間，結果當場「瀨」。而Amanda S.則因着tube dress跳舞時整條裙甩咗，當眾出醜！

徐濠縈
「有一次揸緊車時肚痛想『瀨』，之前已經忍咗好耐，因為仲要車個朋友返屋企，之後啲衫褲全部唔要得，諗番都覺得尷尬！」

周汶錡
「試過着對斗零踭高鞋，行行吓路個踭kick住咗喺個坑渠窿度，搞到赤腳企喺坑渠，徒手扯番對鞋出嚟，勁尷尬！」

Amanda S.
「我18歲嗰年着咗條tube dress喺歐洲參加一個ball，點知跳跳吓舞成條裙跣咗落嚟，我惟有笑住着番條裙，不過好在係喺歐洲，所以冇乜人理。」

莊思敏
「我近期啱啱send錯message畀人，內容仲要係一啲公事上嘅機密嘢。不過好彩send錯咗畀唔涉及嗰件事嘅人，我惟有同佢講當冇睇過個message。」

汪圓圓
「記得八歲時去camp，沖完涼用毛巾包住上床攞衫，因為我瞓上格床，要一手揪住毛巾，一手爬上去。點知唔小心甩手，條毛巾跌咗落地，畀個女同房見到我嘅pat pat，真尷尬。」

雨僑
「有次同幾個女仔一齊着比堅尼出席電影宣傳，其實我唔識游水，點知個活動要我哋落水，我上番水嗰陣，個妝溶晒，個髻又甩埋，但係其他女仔就好靚咁游完上番水，嗰刻我真係覺得尷尬。」

湛琪清
「上次遠距離見到偶像郭富城，我好鍾意佢，即時面都紅晒，但我又唔敢上前同佢講嘢或要求合照，成個怕醜小fans咁！」

文詠珊
「我都試過唔小心差錯腳落坑渠，成個鞋踭kick住咗，拎番出嚟鞋踭已經爛咗，要拐吓拐吓咁行！」


徐濠縈

蝦蝦

陪王菲來港準備晚宴 (與臣相關)
[轉貼自on.cc - 太陽報]

王菲老公李亞鵬前晚在雲南麗江出席酒吧的開幕禮，該酒吧是他和王菲有份投資，故全晚滿場飛款待賓客，心情大靚的李亞鵬飲多幾杯後，任影唔嬲，更走上台和現場獻唱的歌手搞氣氛，全晚High爆！輕鬆完一晚，李亞鵬便風塵僕僕陪王菲來港，為明晚在港舉行的嫣然天使基金會周年晚宴作準備，劉嘉玲、趙薇和陳奕迅等圈中好友已答應出席！

另一邊廂，王菲昨日被網民上載過關的相片，當中更有其細女李嫣的照片，不過自稱是王菲的粉絲的網友則揚言要保護小朋友的私隱，將照片中的李嫣用心形圖案遮住。

蝦蝦

王菲李嫣撇記者事敗
李亞鵬調虎離山 (與臣相關)
[轉貼自明報]

王菲與李亞鵬為救助唇齶裂兒童而成立的嫣然天使基金會，明晚（27號）首度來港舉行「2013香港慈善晚宴」，慶祝基金會的成立及北京嫣然天使兒童醫院成立一周年，並希望透過香港為視窗而向世界傳播嫣然的慈善精神。為此，王菲與李亞鵬昨日低調偕愛女李嫣來港，為晚宴做準備。

王菲找不到出口茫然

昨午5時45分，身穿西裝、戴黑超的李亞鵬步出機場閘口。他表示之前身在外地工作，故不是從北京來港；又指太太王菲和女兒應該早已抵港。他還指嫣然天使基金的籌募性質有少許改變，希望能繼續做出好成續。不過，李亞鵬這番話原來是為了調虎離山。就在他離開後15分鐘，一身黑衣的王菲推著一個行李箱現身抵港大堂的另一邊閘口。未知是否久未來港的關係，王菲出閘後竟一臉茫然，經記者提醒下找到出口後，笑笑口說了句「唔該」。

助女兒避傳媒鏡頭

當她登上早已在等候的保母車時，記者發現原來王菲的小女兒李嫣早已在車內，陪同著李嫣的還有王菲的助手。助手一見追訪傳媒，即用手遮擋李嫣的樣子，以免小女孩被攝入鏡頭。保母車隨即駛往尖沙嘴，在廣東道一帶不斷兜圈欲擺脫傳媒不果，唯有駛到王菲下榻的洲際酒店，先放下王菲及其助手，再駛到另一個外人不能進入的門口，相信是為了讓李嫣能避開傳媒鏡頭進入酒店。

嫣然慈善晚宴星光熠熠

據知，明晚出席慈善晚宴的除了王菲夫婦外，還有劉嘉玲、關之琳、趙薇、那英夫婦、楊千嬅、鍾鎮濤、任賢齊、陳奕迅夫婦、曾寶儀、張玉珊、關秀媚及上山安娜等，場面星光熠熠。

蝦蝦

即時新聞 - 陳奕迅：每個人能成為Superstar
[轉貼自on.cc]
[15:37] 2013/05/26

陳奕迅（Eason）以adidas Originals全球品牌代言人身份拍攝廣告，他說：「我喜歡大膽嘗試新的東西，不重複，走著跟別人不一樣的路，原創不只限於一個人，可以是一個群體，可以是一個團隊，只要懷著熱情去投入自己喜愛的事情，最終必定有收穫，每個人也可以成就自己，成為真正的Superstar。」

最近忙於籌備個唱的Eason希望可以跟不同範疇的人合作：「對於我來說，每個人也很厲害，每個人也能成為Superstar，可以各取所長，互相擊發、衝擊，產生更大的力量。」跟Eason齊拍廣告的，還有內地女星范冰冰。


Eason自言不愛隨波逐流。



Eason敢於創新的精神，成就今日的成績！

蝦蝦

即時新聞 - 蘇永康問Eason攞飛被Cut線
[轉貼自on.cc]
[18:37] 2013/05/26

張衛健、梁漢文、蘇永康和許志安在澳門威尼斯人演出《The Big Four大家利是事世界巡迴演唱會2013》的澳門站，並邀請了吳國敬及鄧建明任嘉賓，眾人的太太和女友都有前來捧場。蘇永康在台上透露開騷前陳奕迅（Eason）曾致電表示其父親陳裘大希望來看演出，康仔就立給了兩張門票予陳爸爸，然後順勢提到訂購他的150張演唱會門票的下落，Eason就立即收線，笑爆全場。

蝦蝦

即時新聞 - Big Four開騷阿嫂們齊撐
Sammi酒店房等緊？ (與臣相關)
[轉貼自蘋果動新聞]
建立時間: 0526 14:09

《The Big Four大家利是事世界巡迴演唱會2013 》噚晚喺澳門舉行，仲邀請咗吳國敬同鄧建明做嘉賓。蘇永康喺台上笑言向陳奕迅(Eason)預訂演唱會門票失敗，佢笑住話﹕「Eason爸爸(陳裘大)都嚟咗睇，當知道uncle想嚟睇時，我即刻打俾Eason話俾飛，仲順便問佢訂150張佢嘅演唱會飛，但佢即刻cut我線。」

除許志安外，張衛健、梁漢文同蘇永康都各有老婆同家人撐場，問到安仔點解女友鄭秀文冇嚟？張衛健就代答：「佢喺酒店房等緊。」蘇永康附和：「頭先落台握手見到觀眾席上嘅女友，即情不自禁要攬下，見安仔冇得攬，咪話借個女友佢攬下，佢又真係攬，冇所謂啦，老婆如衣服嘛！」張衛健驚叫：「嘩！你講架咋，我冇講，I Don't want to share my wife with you。」安仔附和自己都唔會。

健仔仲笑言同安仔合唱《你愛我像誰》時，差點情不自禁來個『馬交輪』，但眼尾看到太太張茜凌厲眼神，佢笑住話﹕「厲一厲我，立即點到即止、無得偷食。」

有傳安仔同Sammi協議生BB，安仔話：「被人寫咁多，又話生又話唔生，又話結又唔結，搞到我頭都痛，頭都大晒唔識點回答，所以唔答嘞，無可奉告，只可以話得啖笑。」

蝦蝦

即時新聞 - 【Beyond不和】
家強：「對不起二哥」(與臣相關)
[轉貼自蘋果動新聞]
建立時間: 0526 16:04

黃家強最近唱咗首新歌《好好》送畀哥哥家駒，紀念哥哥離世二十周年，家強仲發起「過得好好」嘅相片收集行動，圈中人包括周潤發、劉德華、陳奕迅、王菲等都有提供照片，任何鍾意家駒嘅朋友都可以參加，收集完後會喺家駒下月10日生日當日砌成一份禮物送畀遠方嘅家駒。

不過Beyond三子屢傳不和，早前黃貫中（Paul）同黃家強就喺微博掀暗戰。事緣有記者上載跟家強合照，引來阿Paul不滿，更埋怨家強：「原來你們真是一夥。」被牽連的家強無奈留言：「當我兄弟就不要說我甚麼和毒人一夥，多傷心！」網民同歌迷紛紛勸兩兄弟要溝通，家強答：「問他拿張照片，『致家駒』都不回覆，怎溝通！」Paul的fans都插家強，家強留言：「他永遠是對的，我不申冤，我死不瞑目！」

而噚晚，家強有感而發喺微博上載一封長信，除表達自己對哥哥嘅思念，仲寫道：「二哥，今天我好好，甚麼困難我可以自己扛，你不用擔心。弟」

信嘅內容講家強同家駒小時候嘅點滴，家強更話：「對不起二哥，我無能，沒有把Beyond守護好，自問我真的盡力了，我明白到從你離開了我們一刻開始Beyond已經伴你而去，一廂情願只是我天真的想法，又何必強求呢！」


陳奕迅自拍照。

maki

好衰又話禮貌最重要!
雖然話FD底,不過CUT人線真係會傷心:(