2017-05-19新闻

聼E好心情

即时新闻 - 周杰倫輸波嗌走　陳奕迅話係小氣鬼

[转贴自on.cc]
05月19日(五) 11:52   

新闻视频

陳奕迅（Esaon）同周杰倫（Jay）最近為大陸比賽節目《中國新歌聲》任導師，當中仲有大陸歌后那英。三人為節目拍攝了一段宣傳片，片中兩位天王唔唱歌走去篤波，喺桌球枱上大戰，兩人仲一輪唇槍舌劍，而做評判的那英相當無奈。

片中見Eason首先開波，一桿入洞的他表現得戚，之後再篤多一球，不過就撻Q，表現尷尬咁話自己戰術係「以退為進」，跟住就輪到JAY騷Quail，都係一擊即中，之後佢竟然夠膽叫那英用手指做架桿，但係呢球冇入，佢扮抱怨同那英講：「那姐，又不是拍照你比甚麼手勢，比甚麼Yeah!」跟住eason再入多一球，勁得戚咁望住jay，搞到杰倫都有啲嬲嬲豬話要走去飲幾杯，然後Eason用粵語叫杰倫做「外賣仔」：「買埋我哋嗰份噃！小氣鬼！」夠膽叫jay做小氣鬼，eason認真夠膽。


陳奕迅笑杰倫係小氣鬼。


又畀佢一桿入洞喎。


兩位天王唔唱歌去篤波。


仲話要走去飲幾杯。

聼E好心情

即时新闻 - 陳奕迅玩失蹤　林敏驄叫千嬅補習撐場

[转贴自on.cc]
05月19日(五) 23:40   

將於6月9及10日在紅館開舉行《35年時日如飛林敏驄腦交戰作品展演唱會》的林敏驄，堅稱準備功夫毫無壓力：「手板眼見功夫！因為全部都唔係我對手，全部都係有手有腳嘅大歌星，上到台唔會衰畀你睇，所以唔使憂！其實我好珍惜呢次機會，因咁多歌手一齊嚟唱。」兩場合共逾20多位嘉賓歌手，陣容鼎盛足夠分拆開Part II，阿驄笑說：「你知紅館好難Book，35周年其實係上年但攞唔到期。（點解唔用36周年？）費事『做又36唔做又36』啦！」單是編排Rundown，阿驄說齋唱不說話都會超時：「成50首歌！盡量平衡啦，攞條平衡木出嚟囉！」

話千嬅唔夠原汁原味

作品展齊集三代歌手重新演繹金曲，阿驄自誇證明作品無時間限制：「依家又Hit番《當我想起你》，嗰隻余春嬌（楊千嬅）又喺度唱。（覺得千嬅唱成點？）咁佢梗係冇咁原汁原味喇！我話咗佢啦，所以要佢嚟學一學，6月9號請移玉步過嚟。（乘機呼籲嚟做嘉賓？）呼籲一下啦！請過嚟補習一堂，上個補習班。」

Eason唔覆機

講到陳奕迅（Eason）的《葉問風中轉》是阿驄近年最啜核之作，今次作品展竟沒有預對方？阿驄抵死說：「阿臣（Eason）？搵佢唔到喎！冇覆機喎！好大支嘢！搵阿徐（徐濠縈）都搵佢唔到！可能好多商演，你知內地有咁多節目，就算我半年前搵佢都冇用，佢點會知期點！將心比己我都係咁，半年前搵我都答你唔到。（唔嬲佢？）點會呀！明白嘛，根本呢次當係開Party，好似啲小朋友咁，聽日喺老麥開生日會，邊個冇課外活動咪嚟囉！」

怕唱多錯多

當年阿驄為梅艷芳、張國榮與陳百強寫下多首炙手可熱之作，如《夢伴》、《無心睡眠》及《深愛着你》等，問他可會親自演繹？鮮有認低威的阿驄說：「梗係唔會啦！咁難唱，搵我自己嚟搞咩！邊個唱？到時你咪知。（你唔開金口咩？）唔使啦，煇哥（顧嘉煇）開騷有冇唱呀！我怕我唱多錯多，自己寫都唔記得歌詞係No Excuse。」


林敏驄話搵唔到Eason，仲隔空叫千嬅去「補習」做嘉賓撐吓場！

噗噗

{:4_102:}{:4_102:}

小瑋iiEason

{:4_101:}{:4_102:}

、路人ノ賈

{:5_152:}{:5_152:}

抽抽

{:4_111:}{:4_113:}

sheerryx

多谢分享~